facebook
youtube
zalo
Jơnau lồi poh: "Hùc dà kah tô dà"
Chủ nhật, 06:00, 27/07/2025

VOV.K'Ho- Ngai 27 nhai 07 pah nam- Ngai Cau ling sồt să, Cau ling chơ̆t màng – là dơ̆ nàng jơh gùt Đảng, jơh gùt làng bol mờ jơh gùt ling klàng he dê kah kơlôi, ưn ngài dà kơl hề dờng màng bơh ală cau ling khin cha jak chài, cau ling chơ̆t màng, cau ling kòp tê jê să, Mè Việt Nam khin cha jak chài – ală cau neh tă pơgồp jơh rài kis ai broă lơh kăc màng dờng màng bơh jơi bơtiàn dê. Nùs nhơm “Hùc dà kah tô dà” bơhiàn “Kis gĭt jơnau gĭa adat” kung sùm geh sền gàr mờ lơh gơ rề uă bơh tơl rơnàng.

Tàm ù tiah ram mhŭ bơh mpồl bơtiàn ƀòn lơgar Tây Nguyên, đoàn viên, ơruh pơnu bal mờ gơ̆p bơyai lơh dơ̆ tìp mat cribơyai ưn ngài ală hìu bơnhă geh dà kơl hề mờ Dà lơgar mờ kăc màng. Bơh jơnau yal geh ngan, ngoh rơngăc bơh kra ƀòn- dùl nă cau ling yau mờ cau ling sồt să neh tus bal tam lơh, ală jơnau yal bè bơta chơ̆t phi să bơh làng bol, cau ling Tây Nguyên dê dồ dơ̆ tai geh lơh kah wơl, lơh duh hồl nùs nhơm kờñ gơboh Dà lơgar mờ kơnòl bơh rơnàng kơnòm să tŭ do dê.

VOV Tây Nguyên/Cau lơh pơgăp Ndong Brawl mờ K' Duẩn
Tag: Jơnau lồi poh: "Hùc dà kah tô dà"

Viết bình luận