VOV4.K'Ho- Bal mờ 52 càr, ƀòn dờng ndai tàm jơh gùt lơgar, dơ̆ jàu - dờp ling nam 2025 tàm tiah Tây Nguyên neh geh bơyai lơh tàm ngai 13/02/2025 pa do (hơ̆ là ngai 16 nhai 01 nam Ất Tỵ). Nùs nhơm bơh ngai chờ lòt ling lơh gơ rề uă tus gùt jơh ală ƀòn lơgar, tus tơl hìu bơnhă geh ơruh pơnu lòt gùng lòt ling lơh jat kơnòl pal lơh dờng màng bơt bơtàu mờ sền gàr Dà lơgar. Jơnau lồi poh ngai do geh tơngume “Ngai chờ lòt ling” tơngŏ nùs nhơm jơh nùs bơh ơruh pơnu lòt gùng lòt ling dê mờ là bơta pơn yờ să bơh ù tiah Tây Nguyên bềng bơhiàn kăc màng.