VOV4.K'Ho- Tàm ù tiah lơngăp lơngai bơh ƀòn lơgar Tây Nguyên dê, iăt Rơziô jài mờ hùc dà kơphê ƀô bơkah ngan jài, bol he iăt bal dơ̆ tơm bơh bơr barah barài ngan đah cau kra ƀòn mờ ùr ơruh kơnòm să Ka Hương, pờ geh ală tơnkah dờng màng bè ngai Dà lơgar tơrgùm dùl. Bơh tơl jơnau yal, rùp hin pơn rơ ngan bơh ling klàng mờ làng bol Tây Nguyên dê tàm dơ̆ tam lơh Kàl prang nam pa 1975 tơngŏ wơl duh hồl - bềng bơta ngoh rơngăc mờ pơn yờ să ngan. Jơnau lồi poh mờ tơngume “Wèt tus“Ngai chờ tơrgùm dùl Dà lơgar dê” là jơnau yal pơyoa tus rơnàng kơnòm să tŭ do: Sền gàr tĕ ring lơngai, bơt bơtàu Dà lơgar mờ jơh ală bơta pin dờn mờ bơta kờñ gơboh Dà lơgar bềng lìu ngan.