Dơ̆ tàm pơrlòng hàu guh hơđăng bơnơm Tà Cú pờ ơnàng nam 2026 gơhòi gơ jà mờr 400 nă cau tàm pơrlòng là cau klau, cau ùr gơ wèt 37 mpồl tàm càr mờ ală càr bơyô dê, bè: ƀòn dờng Hồ Chí Minh, càr Gia Lai, Đồng Nai…Ală cau tàm pơrlòng tus bal tàm pơrlòng bơta jak tàm bơta jòng: 6 rbô 300 thơk ( ntoăt 4 rbô thơk mờ hàu bơnơm 2 rbô 300 thơk) lời ai cau klau in; 5 rbô 300 thơk ( ntoăt 3 rbô thơk mờ hàu bơnơm 2 rbô 300 thơk) lời ai cau ùr in.

Ồng Huỳnh Ngọc Tâm, Phó Kwang Lam bồ Sờh Niam chài, Tàp pràn să jan mờ Lòt nhơl càr Lâm Đồng pà gĭt: Dơ̆ tàm pơrlòng hàu bơnơm Tà Cú ờ mìng pơgồp bơnah lơh pràn srơh tàp pràn să jan làng bol dê lơm mờ gam là dơ̆ nàng sền swì, săc rwah mpồl cau tàm pơrlòng, rơcăng ai ală dơ̆ pơrlòng ờs mờng gùt lơgar tàm tơngai tus in.