VOV4.Xơ Đăng – Mâu hơnăm a chê kố, kơxô̆ liăn châ xo ing hnoăng mơhá rak ngăn kong hiăng kum mâu ngế pơkuâ kong ai liăn vâ ‘no cheăng ăm hnoăng cheăng rak ngăn ƀă mơnhông pêt kong. Tơdrêng amê, a mâu kơpong hngế hngo, kơpong hdroâng kuăn ngo rêh ối a chê kong, tơdroăng ki mơhá liăn ăm hnoăng rak ngăn kong hiăng ƀă dế bro ivá vâ mâu pơlê pơla tíu kuăn pơlê rêh ối, rơpŏng hơ’lêh tơdroăng rêh ối, rế hía rế hluăn ing kơtiê, rak ngăn kong. Tơdroăng pro pơro: “Ăm kong thăm tơ’nôm rế ngiât” ai tối ‘na tơdroăng vêh pêt kong, ƀă tơdroăng rơhêng vâ hơ’lêh túa reh ối ing kong. Pó kô tơmâng.