VOV4.Xơ Đăng - Klêi mâu hâi pơtê leh Hâi mơjiâng tơnêi têa, tâi tâng mâu hok tro kô lăm troh  a hngêi trung vâ veăng Leh a hâi pơxiâm mot hơnăm hriâm nếo 2023- 2024. Rêm ngế tung rơpŏng hngêi ai kuăn ‘nĕng lăm hriâm hiăng hbrâ tŭm têk mâu tơdroăng, kế tơmeăm vâ ăm dêi kuăn ‘nĕng hơniâp ro mot tung hơnăm hriâm nếo tung hiâm mơno phiu ro. A mâu pơlê kơpong Tây Nguyên, pakĭng tơdroăng châ Đảng, Tơnêi têa tơmâng tŏng kum, mâu krâ pơlê xuân mơhnhôk mâu rơpŏng hngêi pêi pro tơdroăng “Hâi leh tâi tâng kuăn pơlê chiân dêi kuăn ‘nĕng lăm troh hngêi trung”. Mê xuân cho tơdroăng pro pơro a kơ’nâi kố.