VOV4.Xơ Đăng – Pêi pro tiô tơdroăng hơlâ dêi Chin phuh, hnê mơhno dêi Vi ƀan hnê ngăn kong pơlê Kon Tum, lối 10 hơnăm hdrối Khu râng liăn mơhá hnoăng rak ngăn kong ƀă mơnhông pêt kong dêi kong pơlê Kon Tum hiăng pơcháu hnoăng rak ngăn kong ăm lối 3.330 rơpŏng ƀă 168 khu kuăn pơlê, 30 ngế pơkuâ rak ngăn lói 375 rơpâu ha kong. Rêm hơnăm mâu rơpŏng hngei, kuăn pơlê, mâu ngế pơkuâ rak ngăn xo liăn tâng riân châ lối 390 rơtal vâ mơhá ăm hnoăng rak ngăn kong. Kơxô̆ liăn mê hiăng ƀă dế veăng kum mâu rơpŏng kuăn pơlê mơnhông cheăng kâ, xăm kơklêa – kơdroh kơtiê ƀă mơjiâng thôn pơlê nếo.