VOV4.Xơ Đăng - Hiăng lối môi khế, kuăn pơlê tung lâp tơnêi têa tối tơdjuôm ƀă lâp pơlê kơpong Tây Nguyên tối krê hâi teăm tâi ki kơdrâ, xâu rơ-iô ‘na tơdroăng môi khu pro tơdroăng ‘mêi, kơdê kăn ƀô̆, kŏng an ƀă kuăn pơlê ki ôh tá ai xôi a kong pơlê Dak Lak. Mâu khu ‘mêi mê hiăng châ rup phak tro tiô luât, tơdroăng rêh ối hiăng vêh tơniăn nếo la xuân ối ai mâu ngế ai tuăn ‘mêi xuân ối cho tơdroăng xâu rơ-iô ƀă kuăn pơlê, xuân ối ai mâu ki vâ pro tơklâ pơla hdroâng mơngế ing mâu rơkong hnê pơlông djâ, hmôu tối hmâng vâ tung măng pơlê pơla.