Takik kanal hadar lac ruak bhian mboh di urang taha, abih di nyu nan lac urang umo labaih 65 thun. Urak ini, di dunya hu labaih 8 trieu menuac njauk ruak ini. Takik kanal hadar ngak ka urang meluk melơ, oh daok thau khik iek rup eng.

Pamedeih veik glo akaok: Dom urang kham kanal saong ngak bruk meng glo akok takik var jang, drei meda ngak yau ini: Bac tapuk, mbao yaok harei; main duah akhar huroh atau dom kadha main njauk sahneng duah, cih vak veik dom bruk ngak dalam harei; bac iek sa sap negar lingiu.

 Patagok bruk pasram rup pabhap meng yau nao kabak meng 30 tal 60 minit yaok harei, caluai ia, veih tạ, pasram dom kadha daong patagok bruk pambuak dom rak darah dalm glo akok saong pachreih patagok bruk sahaneng kuhria.

Langiu di nan, ruak takik hadar kanal di urang taha meda hu siam veik meng bruk mbang huak ginup dinh dưỡng saong pabak dom pandap siam ka glo akok. Tui nan, bruk mbang huak di urang akok takik kanal hadar brei hu lagaih saong brei pabak dom janih pandap hu rilo omge-3, omega-6, DHA, sắt piah ginup dinh dưỡng ka rup pabap saong siam ka glo akok.

Takik mbang rilo lamek athur, rilo cholesterol yau hatung pruac, tai jai, rilo limek. Salih tame nan njauk pabak limek  25% dom năng lượng yaok harei meng omega-3 hu ralo dalam dom janih ikan piah daong ka glo akaok klak di var vai. Năng lượng  meng asar limeh njauk tok hu ala 25% dom năng lượng yaok harei. Urang taha njauk mbang dom janih njam patam saong baoh kayau hu sambo meriak juk  siam ka glo kaok.

 Langiu di nan, urang dalam sang brei pachreih urang umo taha bhian pasram hadar veik glo akok yau kuhria cộng, trừ, nhân, chia; pasram hadar angan urang birau randap; main cờ; hadar veik dom bruk drei ngak blaoh dalam harei dahlau di tuk nao ndih; tame 1 kapol xa hoi atau 1 tal bac ka bruk drei  sangka; hu mbaok tame dom bruk ngak pahala, taom gaok ayut sahabat, mikva puk paga di drei; nao gah langiu rilo jang yau nao menyum caphe, iek phim, nao me-in di cong vien…piah glo kaok hu hadah hadai veik./.

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân