Urang kamei Cham dok tamia chreih chrai 

Dalam bhap bani urang Cam di Nam bộ, har ginraong laya lac janih har biak karei hu ngak dalam dom harei roya, Tết meng kan... Ahar Ginraong laya, hu angan iew yau nan kayua baoh ahar nyu dreih yau akaok laya, dreih yau san hô.

Tui adat di urang Cam, baoh har langiu di bruk daong ngak brei bui sambai dalam harei roya, van mbang payak tuai damuai, daok brei mboh bruk gheih tangin di urang kamei Cam saong payua tame dalam nan rilo makna brei mboh ka hatung hatai di urang ngak har tal urang mbang har.

Amuk Nguyễn Thị Đông, daok di palei Bình Mỹ, xã Phan Thanh huyện Bắc Bình, tỉnh Bình Thuận brei thau: urang Cam hu rilo janih har meng kan,  ngak jeng mbuan, min urang ngak brei hu hasit gheih tangin saong tari taring.

Piah ngak hu dom baoh har pahe, bingi, racam, mikva bhian palih ruah asar ndiuk prong, patih đục, ba nao rao ka nyu hacih, caik ka nyu thu aia, chai jeng tapung, ép tapa kadung khan bai halang klik. Yaok sa ký tapung ndiuk buh meng 15-20 baoh ada (atau baoh menuk) saong sa hanoi tapung bột năng. Dalam jaluk hu blaoh tapung, brei aia baoh kruac that, jan baoh menuk tame, taong ka nyu samu tangin blaoh ka buh tapung ndiuk tame. Srau dom janih nan biak nhuyễn saong mbeik tapung jeng baoh har. Amuk Đông daok brei thau lac:

"Bruk ngak har brei hu ginup… yau tapung saradang, boh menuh..."

Har ginraong laya hadei di tuk cuh tasak blaoh njuk tame glah aia saradang, ngak jeng sa tal ao lapih gah langiu blaoh ba nao pambu pandiak. Baoh har nyu janar, njoh njac, oh klaih klaoh, mikva bhian cuh meng glah ban oh cuh meng khli.

Har Ginraong laya yaom lac biak sit sot min mboh biak pachreih urang mbang kayua nyu pahe, langeim, racam. Sit sot min ahar ginraong laya ndung bak makna biak dalam, tapa nan yau brei mboh kaya nong, kaya tasik saong hu gam prein yava, hatung hatian di urang ngak ahar./.

Urang lang: Jasi -18/10

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân