Padang ngak jalan cao tốc Bắc - Nam tapa Vĩnh Hảo -  Phan Thiết

 

Barau ini, di var peih bruk padang ngak jalan cao tốc Bắc - Nam tapa Vĩnh Hảo -  Phan Thiết, Phó Thủ tướng Trịnh Đình Dũng taong yaom dom kham merat di Đảng bộ, karja saong bhapbini Bình Thuận, peih ngak siam bruk peih taneh. Bruk padang ngak kết cấu hạ tầng piah jhul pakhang bruk kinh tế patagok, jalan cao tốc lac danak dak daok hu bhap bini dalam negar caong khin, dalam nan hu jalan tapa Vĩnh Hảo - Phan Thiết, Phan Thiết - Dầu Giây. Yau nan ye, piah sumu tukvak peih ngak, bruk peih taneh brei njauk sumu tukvak. Meng thun 2019 mbiah tal ini, abih di nyu lac kreh thun 2020, urang ngak praong di Tỉnh ủy, UB bhap bini tỉnh Bình Thuận tame tal labik taneh di dom huyen, xa hu jalan cao tốc tapa piah pasang iek bruk peih taneh.

Maong tame bản đồ cih tal dom labik hu rilo sang daok di bhap bini njauk mek veik taneh, urang ngak praong di tỉnh oh lac pang harak pathau khan di dom huyện bo hu nao taom gaok tapak piah duah thau hatai sahaneng di mikva. Meng nan hu jalan tacei ba ngak dom bruk njauk ngak chip lac brei ngak tui hukum min oh khang rilo, brei njauk tui radiuk piah langyah dom kan kandah daong ka bhap bini. Tui nan, langyah catang dom bruk khin ngak trak damah oh njauk tui hukum, hu dom bruk bleih saleih piah mek jien taneh. 

tỉnh hu 2.650 baoh sang bhap bini saong 34 kapol gaok kan kandah  kayua danak dak. Taneh brei ngak danak dak di tỉnh Bình Thuận lac labaih 1.220.51 ha, phun jien buh tame ngak abih tih labaih 2.066 tỷ đồng, dalam nan phun jien negar buh tame ka tỉnh 1.928 tỷ đồng. Mbiah tal ini, tỉnh hu peih brei salah blaoh phun jien Trung ương brei. Tui jalan “ jiak bhap bini, ndem meyai saong bhap bini, mek bruk pathau khan jak ba piah ngak siam bruk peih taneh” hu dom huyện ngak tui hu jak jeng. Kayua mbluak jang thei karei, bhap bini thau tuk hu jalan cao tốc ye bhap bini taduan hu kein lagaih. Bo khin hu kein lagaih ye dahlau di abih brei thau halan hatian hasit piah hu laba ka rilo bhap bini.

Di Bắc Bình hu rilo baoh sang taduan jien taneh biar dut saong jien kuhria dahlau di nan, yau baoh sang ong Phạm Tấn Báo hu labaih 3.000 m2 taneh pala drak dalam bhum danak dak lih tame taneh di Công ty Suối Nho. Hadei di rilo mbang ndem meyai, taom gaok di dom urang ngak praong saong dom baoh sang bhap bini, abih di nyu lac ndem meyai njauk hatai, thau pagap drei mbiah urang di urang jakar bhum palei, sang ong Báo njauk hatai taduan jien taneh takik jang 400 triệu đồng dut saong kuhria dahlau di nan. Jeng iek praong kein bala ka abih gauk, baoh sang ong Nguyễn Văn Rô bayar veik 9.700 ha taneh. Jien taduan hu takik jang 300 trieu dong min ong Rô mboh sambai kayua drei rik tame jhul pasamar bruk peih taneh ngak jalan. Ini lac bruk kham merat di dom pakat, dom gah saong palei jeng yau bruk njauk hatai di bhap bini tuk sahaneng cambaic laic makna praong glaong di danak dak ngan saong bruk cak rok patagok di taneh ia.

Gam saong bruk peih taneh lac bruk duah labik daok ka dom baoh sang bhap bini njauk mek taneh lahik sang. Dalam tỉnh Bình Thuận hu 5 labik tái định cư padang birau duh ka bruk peih taneh ngak danak jalan mbak cao tốc Bắc – Nam tapa tỉnh piah pabak bruk tái định cư di 162 baoh sang. Mbiah tal ini hu padang ngak salah, ginup 5 labik tái định cư, dom huyen daok peih bruk jao taneh tái định cư ka dom baoh sang ngak njauk.

Bình Thuận daok pamaong tal sa tỉnh công nghiệp, dalam nan bruk praong lac patagok gah dulich, công nghiệp - công nghiệp năng lượng, nông nghiệp công nghệ glong pambuak saong kinh tế tasik. Kayua yau nan ye, jalan cao tốc tapa Bình Thuận tuk ngak salah blaoh meda daong patrun bruk gar jalan, takik bala angaok jalan mbak saong ba mbuan lagaih jang dalam bruk pajeng ba pandap panda./.

Urang lang: Aí Nghiêm -  2/11/2020

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân