Langik tasik di dom ban prong yau ban raya HCM dok gam gam njauk nerak trak, abih di nyu lac thun mun ngak jhak oh takik tal pren yava. Rilo menuac pandar khẩu trang yau sa jalan piah khik caga, min oh njauk lac janih khẩu trang halei jeng meda plaih hu thun mun. Daa mik va song tong abih gauk pang panuac kakei di bác sĩ ka bruk palih ruah saong pandar khẩu trang pacang hu thun mun .

Angaok drak pasa bak khẩu trang  oh hacih saat 

Bruk nerak không khí tuk hu thun mun kapan ngak jhak tapak tal pren yava  anek menuac, abih di nyu nan lac dom urang ruak  mãn tính, hu prein pacang caga ruak oh siam, urang njauk ruak jalan suak yava, hen suyễn…

Piah khik ka rup plaih njauk thun mun tuk tabiak jalan, rilo menuac bhian pandar khẩu trang. Min, dom janih khẩu trang urang bhian pandar yau: Khẩu trang cotton hoạt tính, khẩu trang y tế… tok pacang hu thun prong, oh pacang hu thun sit jang 2,5 micromet, janih thun bo meta oh mong mboh hu min nyu jhak ka pren yava. Dom janih khẩu trang bhian pandar ni hu ngak meng  merai tanyaih nan ye thun sit meda tapa hu”.

Tui panuac kakei, dom janih  khẩu trang meda pacang hu thun sit lac khẩu trang hu ngak tui tanut chuẩn di Viện pakat negar  ka an toàn  song pren yava  nghề nghiệp Hoa Kỳ (NIOSH), hu  ký hiệu N95, N99 atau mek hu tanut chuẩn châu Âu hu  ký hiệu FFP2. Dom janih  khẩu trang ni meyah pandar njauk meda halang hu  85 - 99% asar thun sit  0,3 micromet song pacang hu vi khuẩn, vi rút. Kayua yau nan ye, bhap bini njauk  thau  dom janih  khẩu trang pavcang thun sit, bhian hu ký hiệu N95 atau  N99 atau FFP2. Piah blei njauk pandap siam, khik hu siam mekre , njauk nao blei di dom  công ty vật tư y tế hu angan je. Pandap thau asar cambaih laih di nyu, hu harak gar blei tame meng labik ngak…

Dom bác sĩ jeng hu panuac kakei :Tuk pandar khẩu trang pacang thun, vi khuẩn, virus lac  oh  papah, meyah khẩu trang nerak  njauk klaak song pandar  khẩu trang karei . Kayua lac meyah papah meda ngak tayah tal pacang di khẩu trang, tuk nan khẩu trang yau dom janih karei, oh dok halang hu thur tra. Taphia di nan, piah khik hu siam, brei ruah khẩu trang mbiah haong mbaok;  hadei di tuk pandar  njauk caik piah di labik lahei, salih khẩu trang hadei di  10 - 15 harei pandar. Langiu di naa, dalam dom harei langik nerak, njauk takik tabiak langiu jalan. Meyah hu bruk njauk tabiak gal langiu, brei cuk khẩu trang hu tal halang thur piah plaih thur mur. Tuk  mai sang, brei rao dhung, tarakong meng ia sara sinh lý./.

Urang lang: Hanipha- 21/11 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân