Jit ruak kayua virus bahrau di anek ruak Corona (nCoV) dak harei dak khang. Dom jalan caga ruak lac biak praong, dalam nan hu bruk cuk khẩu trang njauk, lac 1 jalan ngak praong ka yaok menuac urang piah eng drei khik caga rup drei saong daong jhul kadun likk jit ruak. Kadha “Urang iek ruak” adit ini, kol drei pang tacei pato jalan cuk khẩu trang pacang caga jit nyé:

Brei uranaih tuak khẩu trang ka njauk tuk tabiak jalan 

Darak pasar Việt Nam urak ini hu biak rilo janih khẩu trang karei di gauk, min dalam pacang caga njom mbak tapa jalan suak yava, hu 2 janih khẩu trang bhian hu ndom tal.

#Janih  camereip lac khẩu trang y tế/khẩu trang ngoại khoa hu 3 tal bo tal gah lingiu bhian hu sambo màu xanh atau kanjik katam. 3 tal hu công dụng karei di gauk:

Tal langiu nyu pacang ia hu, daong pacang dom hagait prah tabiak tuk urang ruak dhung phal, patuk, suak yava khang... Mbaok lingiu bhian hu sambo màu xanh blue piah mbuan thau, cuk khẩu trang njauk, lac caik tal sambo tabiak gah lingiu.

Tal dalam hu sambo màu mbong patih. Mbaok tanyaik mbaiy tame gah dalam, jaik haong klik mbaok nan ye hacih saong lamin. Lingiu di nan nyu meda njom ia piah njuk ia hauk ngak brei thoải mái ka menuac cuk khẩu trang.

Tal kreih nyu pacang hu dom asar jit prah tame saong halang hu thur mur, anek ruak. Ini lac tal brei mboh chất lượng khẩu trang. Sa tal halang siam lac caik ka không khí mbuan nao tapa, ngak brei urang cuk suak yava mbuan, min brei pacang hu dom thur mur, dom anek ruak biak sit.

#Janih ka 2 lac N95 (N95 respirator). N95 hu makna lac halang hu 95% thur sit 0.3 micron dalamg không khí, nan lac N95 halang hu siam jang khẩu trang y tế. Min kayua rup di virus corona nyu praong 150-200nm (nano mét), dom vi rút rilo meng daok dalam ia pabah nan ye drei pandar khẩu trang y tế 1 mbang lac jalan pacang ruak siam, lagaih, oh cang pandar janih N95. 

Jalan pandar khẩu trang daong pacang caga ruak yau ini:

- Tok pandar 1 mbang bloh klaak tame thùng hareik hu tuk gum sre. Oh pandar veik khẩu trang pandar 1 mbang.

- Tuk cuk khẩu trang brei caik mbaok sambao màu xanh tabiak lingiu kayua mbaok gah ini nyu pacang hu ia, pacang hu dom ia pabah prah tame bo oh njom tame hu. Mbaok sambo màu mbong patih nyu hút ẩm, nan ye mbaiy tame gah dalam, piah yava suak tabiak nyu njom tame khẩu trang.

- Khẩu trang brei pacang sre meng dhung tal pabah.

- Tuk cuk khẩu trang oh rapeih tangin tame, kayua tapa nan meda ngak brei plak tangin njom vi rút saong dom anek ruak karei, hadei di nan pambak ruak mai ka drei saong dom menuac daok jaik taphia.

- Tuk taoh khẩu trang njauk pan tame talei cuk tapa tanye, klaak tame thùng hareik. Oh pan tame khẩu trang piah taoh tabiak, bruk bhian randap mek khẩu trang pagul veil meda ngak brei njom vi rút saong dom anek ruak karei ka plak tangin.

- Rao tangin haong sabon saong ia hacih hadei di tuk klaak khẩu trang.

Cuk khẩu trang yau habar ka nyu njauk, lac bruk biak praong saong brei pambuak haong rao tangin hacih piah ka bruk pacang cag aruak hu siam mekre di abih./..

Urang lang: Mousaphuong -27/2 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân