Tui yaok pataom di gah chức năng, yaok thun dalam taneh ia rah tabiak labaih 3.000 mbang khuah, dalam  nan hu labaih meteh dom mbang khuah lac di khu dân cư, di sang daok. Bruk njauk biai nan lac, hu rilo mbang khuah hu menuac metai, khuah abih drap ar, ngak srau kadau tal an ninh, trật tự, kan kandah tal raidiuk di bhap bini.

Sa dalam dom makna ba tal khuah, patuh lac kayua iek lap saong oh ngak njauk tui bruk pacang khuah padam khuah,  oh sangka tal bruk salamat dalam pandar điện, oh caik hatai rami ramik pandap panda di sang saong di labik pablei salih njauk haong hukum pacang khuah padam khuah.

Bruk pacang khuah, patuh dalam khu dân cư jeng daok lac bruk njauk haduh hatai tuk rilo sang jeng daok iek lap, pandar điện, pandap pandar meng điện oh siam, kurang salamat. Ndom ka hatai sahneng dalam bruk pacang khuah padam khuah, hu menuac lac: "Gah chức năng lac praong min bol bhap rahra jeng praong oh lah hagait, meyah daok hu dom bruk yau cuh gilau oh njauk labik atau pandar oh salamat ye jeng daok hu khuah patuh". "Meyah yaok sang hu caga pandap pacang khuah padam khuah atau dom pandap brei thau lac khuah meng aval ye bruk pacang khuah padam khuah hu siam mekre jang biak rilo".

Bruk ngak di dom gah dalam pacang khuah padam khuah jeng brei tacei tabiak cambaih laih. UBND phường, xã, ban sit lac pakat khik ramik jiak di abih, brei hu trách nhiệm praong saong tapak dalam khik ramik di karja ka pacang khuah padam khuah di khu dân cư, sang daok di bhap bini saong sang daok hu ngak mbang, pablei salih.

Dalam tuk nan, bruk di Cảnh sát pacang khuah padam khuah lac tacei pato, pasang iek bruk pacang khuah padam khuah di labik ngak bruk, di baoh sang, di menuac urang saong hu brei bruk padam khuah; tham mưu ka UBND dom pakat dalam bruk khik ramik di karja ka pacang khuah padam khuah di sang daok saong sang pablei salih, tacei ba ngak dom sarak, dom jalan ngak piah khik hu salamat bruk pacang khuah padam khuah di khu dân cư, di sang daok saong sang ngak mbang, pablei salih.

Tui adat, dom urang po oh ngak njauk tui bruk pacang khuah padam khuah ye brei hu dom jabat chức năng langyah catang. Min piah khik hu siam mekre salamat ka rahra daok di dom chung cư glaong rilo tal, brei hu hatai sahneng ka bruk pacang khuah padam khuah di yaok rahra.

Gam haong nan, ba tabiak panuac kakei rahra daok di dom chung cư, sang glaong tal ka bruk pacang khuah padam khuah, Thượng tá Phạm Trung Hiếu – Trưởng phòng Cảnh sát Pacang khuah padam khuah ban Hà Nội brei thau:

"Kol dahlak kakei bhap bini oh khik piah xăng, menyek, khí đốt saong dom janih mbuan khuah dalam bilik, meyah njauk khik piah ye brei khik piah takik di abih, radaih patuh hu xăng menyek caik dalam sang brei caik atah ging, atah labik hu pui pandiak. Padam taong abih dom pandap pandar điện tuk oh pandar. Tuk hu khuah, patuh, brei bình tĩnh langyah, duah jalan nduac tabiak, saong khan brei menuac sia daok jaik taphia thau piah tabiak truh labik mbuan khuah tal".

Meyah hatai sahneng di bhap bini oh ka glaong ye daok di pak halei hu ginup pandap pacang khuah padam khuah jeng mbuan hu khuah. Kayua yau nan ye, tuk halei jeng brei thau paglaong hatai sahneng haong bruk ngak piah pacang khuah padam khuah.

Lingiu di nan, yaok baoh sang, yaok labik ngak bruk, yaok doanh nghiệp brei pabak ginup pandap pacang khuah padam khuah, piah meyah hu khuah, yaok urang pak di labik nan meda pandar dom pandap pak di labik nan piah padam khuah, oh caik ka nyu jeng khuah praong./.

Urang lang: M.Phuong - 4/10/2020

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân