Di mbang nyom ka 8, QH mbang XIV, dalam mbang ginum biai ka Đề án patagok KT-XH bhum bhap bini bangsa takik saong bhum ceik, dom urang QH hu ba tabiak rilo jalan ngak piah khik kajap bruk ngak mbang duah jien ka bhap bini bangsa takik saong bhum ceik, dalam nan hu ndom rilo tal bruk daong ka mikva padang dom bruk ngak mbang kinh tế sang pambuak saong bruk di bhum ceik, saong dom jalan khik ramik, patagok yaom glaong ilamu meng kan, abih di nyu lac akhar vak, sap ndom biai. Piah thau cambaih jang dom jalan ngak hu urang QH ba tabiak, da-a mikva saong taong abih gauk pang kadha vak hadei ini di urang vak Lại Hoa:

Rai duik di mik va bangsa takik hu salih bahrau biak samar 

Tui langyah di dom urang QH, dom sarak bangsa patabiak rilo min daok dàn trải, sit sot, kateik angaok gauk, dalam nan dom danak dak, sarak praong min ngak suai damuai, oh hu yau bruk ba tbaiak. Asal kadha dom sarak padang ngak saong patabiak oh ka lagaih haong bruk di yaok bhum, yaok bangsa, nan ye kein laba di sarak hu takik, oh ka pachreih bhap bini hu mbaok tame saong patagok prein khang piah yam tagok.

    Pataom iek veik di Rajaei dalam 3 thun 2016 -2018 brei mboh, kol drei dui pachreih hu 4.699 dự án đầu tư saong yaom jien tut angan jaik 365 tỷ đồng, min dom dự án ini tok mboh di dom bhum đô thị, tapen đô thị, daok dom xã, bhum 2, bhum 3 ye oh hu, atau hu min sit sot, takik daong patagok hu kinh tế palei. Amuk Hoàng Thị Thu Trang, urang QH kapul Nghệ An mboh lac, njauk dui pachreih dom dự án praong ka bhum ini: “Lingiu dom sarak daong yau dự thảo đề án ba tabiak, njauk hu sarak daong palagaih ka dom doanh nghiệp mesraiy hu phun jien negar lingiu yau phun jien ODA, Jai-ca di Japon piah dui pachreih dom tập đoàn dom doanh nghiệp praong, dom doanh nghiệp negar lingiu tame, abih di nyu lac saya khik hu bruk khang kajap suai lavik tani tanat dom sarak ka dom dự án praong ini piah urang sahneng hatai buh jien tame ngak mbang di bhum kan kandah ini”.

Rilo urang QH jeng mboh njauk hatai haong 11 sarak praong njauk pasang iek, ramik pasiam veik, pabak tame piah ngak dalam tukvak 2021 - 2030; oh ngak 4 sarak daok hu ngak di bhum bangsa takik saong bhum ceik urak ini. Min rajaei, lac labik dang tabiak soạn thảo njauk duah thau, taong yaom ka nyu cambaih jang dom sarak lagaih, daok patagok hu kein laba piah khik veik saong patagok.

Meng bruk hu mboh di anak meta di bhum hu rilo bhap bini bangsa takik, amuk Đinh Thị Bình, urang QH kapul Phú Thọ tacei tabiak dom bruk oh ngak hu gah pato bruk ngak ka urang ngak di bhum ceik. Tui panuac di amuk, đề án ba tabiak bruk lac tal thun 2025, urang ngak hu pato bruk ngak di bhum bhap bini bangsa takik saong bhum ceik lac 50 %, dalam nan hu brei chứng chỉ meng 10 tal 15%. Min tal urak ini bahrau hu 6,2 %. Hu dom bangsa takik bahrau hu oh ka tal 2%, saong hu dom bangsa takik oh ka hu urang halei hu pato bruk ngak:

“Tapa nan brei mboh, sarak pato bruk ngak ka urang ngak lac bangsa takik oh ka hu siam lagaih. Yau nan hadei di 6 thun tra meda mek hu meteh bruk ba tabika halei oh. Rajaei njauk duah thau cambaih laih piah padang jalan ngak di Đề án tui yaok tukvak habar ka nyu lagaih haong bruk di anak meta, plaih bruk ba tabiak min ngak hu takik, oh samu haong prein yava buh tabiak, jhui caong ngak biak glaong ba tal kan kandah ka dom puk palei tuk ngak”.

Ba tabiak dom jalan ngak piah patagok triển kinh tế xã hội bhum bhap bini bangsa takik, dom urang QH hu ndom tal jalan ngak piah khik ramik, patagok yaom glaong ilamu meng kan, abih di nyu lac khik ramik akhar vak, sap ndom, khik kajap labik daok, taneh daok, taneh pala drak, roh duah sajarah patagok di dom bangsa takik.

Anak dom dom panuac rik tame di dom urang QH brei ka Đề án, akaok mintri, Chủ nhiệm Ủy ban bangsa Đỗ Văn Chiến khan lac meda taduan mek panuac tui jalan caik hatai sangka di abih.. Langyah ka bruk lac tukvak jaik ini, 500 sang bangsa takik di Nghệ An, Thanh Hóa, Quảng Ninh, eng drei ngak harak likau tabiak truh angan sang kan kathaot lac sa prein khang bahrau meda ba mai jak jeng ka Đề án, Akaok mintri, Chủ nhiệm Ủy ban bangsa Đỗ Văn Chiến brei thau: “Quốc hội ấn nút brei tapa Đề án ka bruk buh jien tame ngak danak dak bruk ngak negar di mbang nyom ini lac sa pandap alin hadiah biak praong biak hu makna brei ka bhap bini bhum bangsa bhum ceik dahlau di Nyom roya dom bangsa takik pakat negar mbang ka 2 bilan 4 thun 2020”./.

Urang lang: Mousaphuong - 6/11 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân