Camera hu mek pagam di dom mlbang bein

Hadei di labaih 4 bilan, bal raya HCM hu peih bruk mek pagam camera angaok 14 jalan di labik pasak bal raya, hu rilo radaih nao mai, jalan prong saong radaih nduac biak srau dhau piah thaot veik saong langyah tuk hu bruk saong piah taong phạt hadei bruk peih radaih suan angaok jalan. Bruk ini hu daong pasiam veik bruk nao mai angaok jalan saong paglaong hatai sahneng ngak njauk tui hukum nao mai angaok jalan di urang peih radaih. Tapa dom camera, mboh lac angaok rilo jalan, dom sruh radaih padeih, pataok takik jang biak rilo dut haong tukvak dahlau di bilan 3-2020.

Cambaih laih, angaok jalan Điện Biên Phủ takik jang 60%, jalan Trường Sơn takik jang 42%, jalan Nguyễn Thái Học takik jang 60%, jalan Lê Duẩn takik jang 62%...

Dom canah jalan hu camera thaot veik piah taong phạt jeng hu  GTVT TPHCM mek pagam biển báo brei thau lac “Canah jalan hu pasang iek, taong phạt meng camera”. Gah hu mbaok tame pambuak bruk thaot veik piah taong phạt nan lac Thanh tra Sở jalan mbak pajeng ba saong pasak Khik iek tacei bruk nao mai angaok jalan đô thị. Pasak nan tapa dom camera giao thông peih bruk thaot veik saong quay video dom radaih nao mai suan, blaoh tui nan ba dữ liệu ka jabat chức năng duah thau cambaih laih, ngak biên bản saong taong phạt tui njauk adat hukum.

Oh lac tok thaot veik thaik piah taong phat bruk nao mai suan angaok jalan, rilo labik di bal raya HCM daok pandar dom camera, pandar phần mềm piah langyah bruk lih mek takai jalan saong daok ba mai siam lagaih. Th.S Phạm Ngọc Công, sa urang ilamu gah jalan mbak ndom lac, hu CSGT ye taong abih manuac sia ngak siam dom adat hukum nao mai angaok jalan. Tuk oh hu CSGT ye rilo urang nao tagok angaok vạch brei ka urang nao takai, gaok mai nao jaik tal canah 4 jalan. Kayua yau nan ye, bruk mek pagam camera meda pasiam veik hu hatai saneng di dom urang nao mai angaok jalan mbak. Daong ka dom urang nan thau sahneng blaoh ngak siam jang adat hukum nao mai angaok jalan.

Lambaok Jabat CSGT jalan mbak – jalan pasei (PC08), Công an bal raya HCM brei thau, dalam thun 2019, CSGT bal raya taong phạt labaih 61.000 urang ngak suan adat hukum nao mai angaok jalan tapa thaik binguk, dalam nan rilo meng lac padeih - pataok radaih suan adat hukum, lih mek jalan, tapa gom bhong, nduac samar jang tốc độ brei adat, nao cagar jalan, nduac radaih dalam tukvak pakauk, jalan pakauk… Gam gam haong nan, CSGT jeng nhian thaok veik, quay clip di dom jalan bhian hu manuac urang ngak suan, yau di dom jalan di khu dân cư Trung Sơn xã Bình Hưng, huyện Bình Chánh, Jalan raya 52, jalan raya 22... piah taong phạt hadei, piah tapa nan paglaong akaok saneng ngak njauk adat hukum di urang nao mai angaok jalan.

Tui kuhria mboh di rilo jabat chức năng di bal raya HCM, adat hukum urak ini oh tui samu haong bruk taong phạt urang ngak suan adat hukum tuk nao mai angaok jalan tapa thaot binguk. Kayua yau nan ye, UB bhap bani bal raya HCM caong khin Raja-ei pabak tame dom paka bahrau dalam bruk taong phạt tapa thaot binguk piah njauk haong bruk di anak meta.

UBND TPHCM hu pambuak haong Mentri jalan mbak pajeng ba saong mentri Công an pok tagok Raja-ei brei tapa dom adat saong chế tài bahrau piah langyah dom bruk ngak suan tuk peih radaih angaok jalan tapa thaot binguk. Bruk taong phạt manuac urang ngak suan adat hukum nao mai angaok jalan tapa thaot binguk thaot veik hu mong lac cambaih laih di abih saong bal raya hu kuhria caga manuac ngak, ilamu công nghệ piah peih ngak bruk taong phạt ini./.

Urang lang: Jasi-13/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân