HTX pala ribung hijao 

Tui Liên minh hợp tác xã tỉnh Ninh Thuận, tukvak tapa, dom hợp tác xã, dom kapul pambuak bruk dalam tỉnh hu ba bruk ngak, paglaong rai diuk ka urang dalam hợp tác xã, kapul pambuak bruk. Dalam 64 hợp tác xã tut angan tame ngak dom gah ngak nong – ngak glai- ngak sara, hu 59 jabat ngak mbang gah dịch vụ ngak nong tui jalan pambuak haong doanh nghiệp, ba mai rilo kein laba.

Pagap yau bruk pambuak gauk pala ribung hijao di hợp tác xã dịch vụ Tuấn Tú di xã An Hải, huyện Ninh Phước. Taong abih dom urang dalam HTX hu daong meng phun pajaih, ilamu saong blei tame taong abih rabung pala hu tapa bruk mbaoh tangin tame harak pambuak bruk haong công ty blei yaom 50.000 đồng/kg. Tui yaom ini, urang pala ribung hijao laba hu meng 400 – 500 triệu đồng/ha/thun.

Hợp tác xã Phước Hậu, Phú Quý, Trường Thọ... pambuak bruk haong dom công ty pabam pajaih, peih ngak mblang hamu prong yaok rituh ha ngak padai hu 8 tấn/ha, tagok 10 – 15% dut haong jalan ngak meng kan. Tapa bruk daong ba di dom kapul nyaom dunya, dom hợp tác xã karei daok pabak amariak, nho siam tame dom labik pablei lẻ di dom darak pasar prong.

Yaom lac mek hu rilo siam mekre njauk pok meyaom, min mong rah tapa, bruk cakrok patagok di dom hợp tác xã, dom kapul pambuak bruk di Ninh Thuận jeng oh ka samu haong pren khang di drei. Dalam 84 hợp tác xã daok ngak bruk, tok hu 36% hợp tác xã ngak hu siam,; daok veik nan lac oh ka siam, jien mek tame saong rai diuk di manuac urang dalam HTX daok kan kandah. Jaik abih dom hợp tác xã  lac sit sot, oh ka hu rilo drap ar piah padang tuk nao mesre phun jien. Jien ndo peih ngak sarak daong cak rok patagok ka dom hợp tác xã daok biak takik, tok thau pambak tame kadung jien daong meng Trung ương nan ye dom hợp tác xã rilo meng lac kan peih prong bruk ngak mbang, pablei salih. Langiu di nan, ilamo urang khik iek hợp tác xã rilo meng lac ngak tui ilamu drei pataom mek hu nan ye bruk pal akaok, ba jalan, biai bruk ngak mbang, kuhria mboh dahlau darak pasar, padang ngak jalan ngak mbang pablei salih oh ka lagaih.

Ong Trần Quốc Nam, Phaok akaok UB bhap bani tỉnh Ninh Thuận, Akaok Mban tacei pato salih bahrau, cak rok patagok kinh tế kapul nyaom, hợp tác xã tỉnh Ninh Thuận brei thau, thun 2020, tỉnh kham merat hu 8-10 hợp tác xã hu padang bahrau, 45-50% hợp tác xã ngak mbang hu. Tỉnh ba tabiak jalan ngak lac yaok xã njauk hu takik abih sa hợp tác xã ngak hu kein laba pambuak haong bruk ngak tabiak, pablei pandap di puk palei.

Dalam vaktu 2020 - 2025, Ninh Thuận daok peih ngak danak dak salih bahrau, patagok dom jalan ngak mbang pambuak gauk, patagok kinh tế kapul nyaom haong rilo jalan pambuak bruk. Dalam nan, nao dahlau lac hợp tác xã piah pambuak prong urang nong, urang ngak saong doanh nghiệp, oh lac praong atau sit, oh lac bruk hagait labik ngak halei piah khik kein laba di dom urang daok dalam HTX.

Anak tal, tỉnh hu dom jalan ngak cambaih laih piah daong hợp tác xã taom gaok dom pren khang gah taneh riya, jien ndo, padang angan je saong yaih khan pandap panda, dak harei dak peih prong bruk ngak mbang. Tapa nan, daong ka urang dalam HTX, urang nong hu mbaok tame bruk pambuak gauk ngak tui chuỗi giá trị piah patagok bruk ngak mbang hu kein laba, khang kajap./.

Urang lang: Jasi

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân