Bruk pablei manuac angaok dunya saong khu vực daok rah tabiak khang, dalam nan hu bruk pablei salih manuac tapa bruk ba urang di cư suan adat hukum meng dom negar châu Á tapa châu Âu. Tui pathau khan di Mentri Công an, meng akaok thun 2016 tal 6 bilan akaok thun 2019, dalam negar mboh hu labaih 1.000 bruk ngan haong jaik 1.500 urang, pachot pagat pablei labaih 2.600 urang. Yau nan min, hu rilo menuac daok meluk bruk pablei salih manuac haong bruk ba urang karei dauk tabiak negar langiu

Lambaok gah Viện kiểm sát pathau khan tal  bhap bani asal kadha tội pablei salih manuac 

Gah adat hukum, urang phạm tội ba menuac, môi giới ka urang karei dauk tabiak negar langiu atau daok veik negar langiu suan adat hukum meda lac 1 dalam 4 bruk ngak yau ini: Peih bruk brei ka urang karei dauk nao tabiak negar langiu suan adat hukum; peih bruk brei ka urang karei daok veik negar langiu suan adat hukum; môi giới ka urang karei dauk tabiak negar langiu suan adat hukum; môi giới ka urang karei daok veik negar langiu suan adat hukum.

Peih bruk brei ka urang karei dauk tabiak negar langiu suan adat hukum nan lac menuac dang akaok, pal akaok, tacei pato taong abih bruk ngak piah ba urang karei dauk tabiak truh negar Việt Nam.

Meyah peih bruk brei ka urang karei dauk nao negar langiu piah mbang jien atau ameh saong gam haong urang dauk nao ye bruk ini daok njauk truy cứu sa tội tra nan lac tội xuất cảnh suan adat hukum.

Peih bruk brei ka urang karei daok veik negar langiu suan adat hukum jeng dreh yau bruk khik urang abih tukvak daok veik negar langiu oh gilac veik Việt Nam…

Ngan haong tội pablei salih manuac (tui Paka 150 BLHS 2015), urang phạm tội hu dom bruk ngak yau kateik greik, pachot pagat atau thủ đoạn karei piah ngak sa dalam dom bruk panduan jao atau taduan mek manuac urang piah panduan jao, mbang jien, drap ar… bruk panduan jao atau taduan mek urang piah bóc lột tình dục, kateik geik urang ngak, mek bộ phận dalam rup atau dom bruk vô nhân đạo karei; palih ruah, pajeng ba, raong khik urang karei piah peih ngak dom bruk yau nan.

Urang phạm tội meda lac urang blei, meda lac lac urang pablei, atau meda gam lac urang blei gam lac urang pablei. Tapa dom bruk xét xử dalam dom thun tapa bhian mboh urang phạm tội nan lac urang pandar rilo thủ đoạn pagat pachot urang karei piah ba tabiak negar langiu (rilo meng lac tapa Trung Quốc) pablei ka urang negar langiu. Bruk pablei salih menuac rah tabiak dalam negar meyah hu bruk pambuak gauk di dom urang dalam dom bruk pablei salih saong puac di abih lac ba tabiak negar langiu…

Bahrau ini, Công an tỉnh Nghệ An hu khởi tố vụ án "Peih bruk, môi giới urang karei dauk tabiak negar langiu atau daok veik negar langiu suan adat hukum" piah peih prong bruk pasang iek jalan talei pambuak pagam tal bruk 39 urang Việt metai pak Anh. Taphia di nan, Công an tỉnh jeng hu khởi tố vụ án, khik hình sự 7 urang piah pasang iek duah thau cambaih laih jalan talei ini.

Taphia di bruk trấn áp kol tội phạm pablei salih menuac saong ba menuac tabiak negar langiu suan adat hukum ye kadha biak prong nan lac urang ngak njauk paglaong akaok saneng piah plaih bruk njauk urang dui tame jalan nao dauk, mbuan ba tal metai lahik. Bruk nao tabiak negar langiu piah duah jien glaong jang nan lac bruk caong khin njauk, min bruk iek prong adat hukum njauk ba tagok dang akaok./.

Urang lang: Jasi - 12/11

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân