Manuac urang drei jeng saneng gia vị dalam ghing yau amariak kalu, saradang, aia mesil,... biak lành tính. Yau nan min, meyah oh caik hatai, dom gia vị ini meda hu jeng chất độc. Dalam kadha “ndom oh saong pandap mbang oh hacih sa-at” harei ini meda daong ka khaol drei thau cambaih jang ka bruk ini:

Akaok laya

 

1. Asal amariak kalu

Jalan pandar: Asal amariak kalu ngak jeng vị hang saong hu tinh dầu, tuk riak lavik ye tinh dầu par hơi, asal hang jeng daok, gaok mai nyu menek tabiak chất ngak ung thư. Kayua nan ye, khaol drei njauk brei asal amariak kalu tame tuk pandap mbang jaik tathak. Ngan haong pandap kho meda pandar asal amariak kalu metah atau tasak daok asal prong. Dom pandap xào njauk pandar asal amariak kalu xay sit.

Khik piah: asal amariak kalu thu khik piah dalam kalaok thủy tinh saong caik di labik thu lagu, laneng lanoi.

Asal amariak kalu that njauk khik piah dalam tu la-ar saong pandar dalam dom harei.

2. Akaok lasul, tỏi

Jalan pandar: tuk phi hành, tỏi biak khiak meda ngak ka pandap mbang hu vị phik saong menek tabiak chất độc. akaok lasul, tỏi caik thu, ndaih mầm ba nao ngak pandap mbang mbuan ba tal njauk jru mek. Kayua nan ye, dahlau di tuk ngak mbang njauk jal ka nyu dập saong caik meng 5-10 minit meyah oh ngak yau nan nyu lahik hoạt tính enzym allinase.

Piah khik: Ngan haong akaok lasul, tỏi thu njauk ba piah dalam rổ atau kadung lưới, plaih caik di labik ẩm ướt meyah oh yau nan nyu ndaih mầm. 

3. Menyek mbang

Jalan pandar: Tuyệt đối oh pandar menyek chiên nao chiên mai rilo mbang, kayua nyu mbuan ngak jeng chất trans fat (chất limek bão hòa) meda ba tal ung thư. Khaol drei jeng juai caik ka menyek biak pandiak tagok thak kayua lac di tuk ini nhiệt độ menyek jaik 200 độ C nan ye mbuan ba tal ung thư. Pandar menyek mbang gap takre, ngak pandiak gap takre dahlau di tuk xào, chiên pandap panda.

Piah khik: Njauk caik menyek mbang tame kalaok sành, chai caik di labik langeng lanoi ngan haong nhiệt độ meng 10-15 độ C, gam tanuak sil. 

4. Aia mesil

Jalan pandar: Bruk riak aia mesil haong pandap mbang biak lavik di nhiệt độ glaong meda ngak khut dom chất dinh dưỡng dalam pandap mbang, ngak lahik nao dom acid amin dalam aia mesil. Njuak brei tame pandap mbang tuk ngak tasak blaoh saong padam apui piah khik hu mùi vị saong chất đạm hu dalam aia mesil.

Khik piah: Njauk piah aia mesil di labik laneng lanoi saong gam tanuak kalaok tuk daok pandar, khik brei ka anek côn trùng oh tame hu. Juai caik dalam tu la-ar, juai brei buh hagait tame aia mesil tuk daok piah khik.

5. Saradang

Jalan pandar: Tuk brei saradang tame kaya mbang njauk caik nhiệt độ gap takre, nhiệt độ glaong meda ngak kaya mbang jeng sambo màu juk. Njauk pandar saradang ka dom pandap kho, takik pandar ngan haong dom pandap chiên, rán kayua nyu mbuan khiak.

Piah khik: Caik dalam hộp kín, piah di labik laneng lanoi, juai caik di labik hu nhiệt độ glaong atau ẩm, saradang mbuan ralai. 

6. Dấm

Jalan pandar: Njauk pandar dấm hadei di tuk ngak pandap mbang tasak saong padam apui piah patrun bruk patrun lahik vitamin C dalam njam patam, jhul patagok bruk njaom ralai dom khoáng chất yau canxi, phospho, sắt… saong patagok hiệu quả hấp thụ dom chất dinh dưỡng dalam rup.

Khik piah: Khik piah dalam dom kalaok thủy tinh, nhựa polyetylen (siam abih lac màu mbong) saong nhựa PET kayua dấm lac dung môi njaom ralai dom chất độc dalam pandap padang caik.

7. Sara

Jalan pandar: Tuk tuk njam buh tame hasit dalam aia ju meda ngak ka njam hu sambo  màu hijao jang. Jeng dreh yau nan, tuk ngak aia bai brei buh sara tame dahlau daong ngak ka njam hijao, vị đậm jang.

Khik pieh: Njauk caik sa blah ba-ar njaom aia ala kalaok sara piah khik ka sara nyu thu.

8. Laya

Jalan pandar: Juai mbang rilo laya dalam tukvak atah kayua nyu mbuan ngak ndaih cating, viêm phổi, me-ik saradang…; juai mbang laya that kayua nyu mbuan menek tabiak sa janih jru mek meda ngak jhak tal tế bào gan, ba tal ung thư gan saong ung thư thực quản.

Khik piah: Caik di labik thu lagu, laneng lanoi. Meyah hu meda ba tapok dalam ba-ar pariak atau ba nao lam dalam cuah.

9. Quế saong hồi

Jalan pandar: Quế saong hồi meda pandar caik randam pandap mbang. Juai buh quế saong hồi tame menyek daok pandiak kayua ngak yau nan nju khiak lahik abih hương vị, plak. Ngan haong janih tapung, njauk ralai hasit dalam aia blaoh buh tame pandap mbang.

Khik piah: caik dalam kadung nylon saong caik di labik thu lagu, laneng lanoi, plaih di aia harei. Juai caik dalam tu la-ar kayua ngak yau nan nyu lahik mùi pahe tự nhiên di gia vị. 

10. Mỳ chính

Jalan pandar: Juai buh tame dalam pandap mbang la-ar kayua nyu oh njaom ralai hu, juai buh tame pandap mbang jamen kayua nyu ngak ức chế vị jamen tự nhiên saong ngak lahik mùi pahe di pandap mbang, juai riak di nhiệt độ glaong piah plaih menek tabiak dom chất natri oh siam ka pren yava anek manuac. Taphia di nan, juai buh tame gam haong baoh menuk baoh ada.

Khik piah: caik dalam kalaok nhựa atau thủy tinh saong gam sil tanuak, caik di labik laneng lanoi, thu lagu./.

Urang lang: jasi – 3/11

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân