Ngai lơi kung tam gơl mờ bơsir pa: 31/10/2020

VOV4.K’ho - Mho òr (30/10), tàm [òn dờng Buôn Ma Thuột, Tổng Liên đoàn Lao động Việt Nam pơgồp bal mờ Liên đoàn Lao động càr Dak Lak bơyai lơh pơrjum cri bơyai “Tus bal tơn jơh tam lơh pù pờng gơwèt mờ cau ùr mờ kơnòm dềt”.

Jăt khà kờp geh yal tàm dơ\ cri bơyai, tàm 10 nam bơh nam 2008 tus 2018, tàm càr Dak Lak neh gơbàn rơlao 9 rơbô 400 dơ\ tam lơh pù pờng tàm hìu nhă; bơh nam 2015 tus nhai 6 nam 2020 geh 302 nă kơnòm dềt gơtìp pù pờng, sơgràm aniai.

Ală bơta gơtìp geh bơh broă ờ g^t wă, tìs mờ adăt boh lam mờ bơh bơta ờ ring bal cau klao mờ cau ùr, tam cah is mpồl cau.

Ală kuang bàng, đoàn viên, cau lơh broă neh tus bal tam pà ală broă mờng chài tàm broă gàr bơta gơboh gơbài hìu nhă, ring bal cau klao mờ cau ùr mờ tài bơta gơguh jăk cau ùr; ală broă gơrềng tus mờ bơta pràn deh dùh, rơcang sơndră mờ tam lơh pù pờng tàm tơngu me cau klao mờ cau ùr, ală bơta g^t wă sền gàr is, rơcang sơndră is mờ tam lơh pù pờng, sơgràm aniai cau ùr mờ kơnòm dềt.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định