Ngai lơi kung tam gơl mờ bơsir pa: 19/1/2021

VOV4.K’ho- Di sa tềp bơhìan yau nam 2021, mho ngai 18/01, mpồl kuang bàng bơh Thiếu tướng Lê Đức Thái- Phó Bí thư Đảng ủy, kuang đơng lam mpồl ling sền gàr tiah nhàr dà lơgar lam bồ neh lòt còp, nting bơr gờm chờ sa tềp Kuang đơng lam bồ càr Gia Lai. Kuang đơng lam bồ càr Gia Lai neh yal dùl êt mờ mpồl kuang bàng in bè 2, 3 cồng nha geh pơn rơ mờ càr Gia Lai lơh geh tàm ală gah bơtàu tơnguh lơh sa- mpồl bơtìan, sền gàr dà lơgar, sền gàr lơngap lơngai tàm nam 2020. Mơkung cih dờp mờ đơs niam ală tă pơgồp mờ ală mpồl ling lơh pôs tàm càr, ngan là mpồl ling sền gàr tiah nhàr dà lơgar neh lơh geh tàm nam lài.

Phó Bí thư thường trực Tỉnh ủy kung sồr Gah đơng lam mpồl ling sền gàr tiah nhàr dà lơgar pơn jat tai sền gròi dong kờl, lơh gơlik bơta niam ai mpồl ling sền gàr tiah nhàr dà lơgar càr Gia Lai in lam lơh niam ală gah broă lơh tờm, ngan là broă lơh rơcang sơndră kòp Covid-19 tàm tiah nhàr dà lơgar. Bơh hơ\, pơgồp bơnah bal mờ Đảng bộ, gơ noar atbồ mờ làng bol càr Gia Lai bơtàu tơnguh lơh sa- mpồl bơtìan, sền gàr kơ\ lơngap lơngai dà lơgar tàm tiah nhàr dà lơgar.

 

Cau mblàng K’ Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định