Ngai lơi kung tam gơl mờ bơsir pa: 29/6/2020

VOV4.K’ho- Mpồl kuang bàng bơh Bộ Y tế dê bơh Thứ trưởng Đỗ Xuân Tuyên lơh kuang ătbồ mpồl pa geh dơ\ lơh broă mờ UBND xã Quảng Hoà, kơnhoàl Dăk Glong, càr Dăk Nông mờ lòt sền broă lơh rcăng sơndră kòp bạch hầu tàm đội 2, thôn 6, xã Quảng Hoà, là dùl tàm 3 tiah sền go\ cau bơtờp kòp bạch hầu.

Ồng Nguyễn Xuân Tuyên Thứ trưởng Bộ Y tế còp làng bol tàm tiah geh kòp

Xã Quảng Hoà là tiah geh cau gơbàn kòp bạch hầu dơ\ 2 bơh càr Dăk Nông dê. Lơh broă mờ kuang đơng lam bồ Sở Y tế Dăk Nông, UBND kơnhoàl Dăk Glong mờ ală kuang bàng lơh sơnơm tàm do, Thứ trưởng Bộ Y tế ồng Đỗ Xuân Tuyên jờng rơ ngan càr Dăk Nông neh di tu\ lam lơh ală broă lơh rcăng sơndră kòp bạch hầu dùl bă dùl ròt bal jăt di jơnau bơto pơlam bơh gah lơh sơnơm dê, mơkung sồr Viện Vệ sinh Dịch tễ Tây Nguyên pơn jăt tai pơgồp bal niam mờ gơnoar ătbồ bal mờ gah lơh sơnơm càr Dăk Nông nàng kơryan kòp bạch hầu gơbàn tai dơ\ 2 tàm càr.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng