Ngai lơi kung tam gơl mờ bơsir pa: 24/11/2020

VOV4.K’ho- Gah yal tơnggit lơgar Israel ngai 23/11 dùl ròt pà git, Thủ tướng lơgar Israel, ồng Benjamin Netanyahu neh ndơp ndơr par tus lơgar Saudi Arabia nàng tìp mat kòn klau bơtau, ồng Mohammed bin Salman mờ Ngoại trưởng Mỹ, ồng Mike Pompeo gam geh dơ\ lòt còp Trung Đông. Do là dơ\ lòt còp sơn rờp bơh dùl nă kuang đơng lam bồ dờng màng lơgar Israel dê tus lơgar Saudi Arabia – là lơgar mùl geh bơta mờng quèng dong kờl cau Palestine mờ “pleh ngài” lơgar Israel.

Tàm tu\ tơngai at gơnoar broă bơh ồng Donald Trump, Kuang atbồ lơgar Mỹ dê mờr tơn jơh, gơnoar atbồ lơgar Mỹ lơh ngan nàng lam Israel mờ Saudi Arabia ơm rềp mờ gơp rlau tai. Tàm nhai 9 pa do, tềng đap bơta lơh kòn gùng bơh gơnoar atbồ lơgar Mỹ dê, Các Tiểu vương quốc Arab Thống nhất (UAE) mờ lơgar rềp bal  lơgar Bahrain tiah vùng Vịnh neh ki\ jơnau ring bal bè ờs wơl git gơp mờ Israel. Do là 2 lơgar Arab sơn rờp geh git gơp ngan ngồn mờ Israel tàm 25 nam do.

Cau mblàng K’ Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định