Chuôs njiz lênhx nxeik hêir nênhs Poz Ziz nhoz Sơn La 2 jiês tưr tâu Huy chương cuz SEA Games

         Dẫn trên nền nhạc….

       Chuôs njiz lênhx nxeik Quàng Thị Thu Nghĩa ciês thâuv Nghĩa nhiv kruôr muk tưr tâu Huy chương cuz SEA Game 32 ntơưv Campuchia tror lok đros trâu têx cêr jông siêz, shir phaz đhâu chor hnuz sir jos cơưv shâuv thiêz tưr nhoz Campuchia.

      Nhoz sâuv tsêr tsar lơưx, Nghĩa heik: Txix shông 2018, cur đros tưr hnhar muôx 75 cir, no cux zos jiês cur tâu Huy chương cuz ntơưv SEA Game 31 tsưr tsix hâur Việt Nam. Jiês no, tsi muôx tưr thik 75 cir, viv li cur tsuv shâuv, txo grêk 5 cir chiê sik tưr nhoz 70 cir. No zos iz hâur têx phiv liv lox, taz sik cur tưz sir jos hla đhâu.

       Txo grêk cir li co hâur iz ntuk lur uô cur lok six phiv liv thâuv tsi tâu sưv đros têx cêr cơưv yiêz, zôngx ziv njiz trâul moz: “Cur sir jos hla đhâu têx phiv liv lok sâuv đas jos, txux chi cơưv, viv jax Pencak silat nhiv no hlôngr yiêz lok six ntâu, chei sik tưr hlôngr tsi so viv li chiê uô tâu thiêz sưv đros cux lok six phiv liv”.

        Txix Ban kriê cơưv shâuv têx cêr paz, đros trâu chuôz zis cxơưz đas jos, cur truôx siêz bo cơưv shâuv, txơưv tsuv tưr đros lênhx hnhar cir nhoz Inđônêsia, Quàng Thị Nghĩa cux tưz tưr tâu zênhx.

        Tưr tâu Huy chương cuz SEA Game 32 muôx liv lok six jông, cxơưz paz đas jos trâu Nghĩa sir jos đuô hâur têx jiês tưr zuôr txos: “Cur txix thâuv ntêx txos nhiv no cux tưz ntâu jiês trâul moz, hnhar lok cux njiz trâul, siz lok cux njiz hur si; tưr tâu Huy chương cuz jiês no cux zos iz kro lok six jông thiêz zos qơư chuôz jos chiê cur sir jos đuô hâur têx jiês tưr txuôk nzir”.

        Hâur 10 shông nox nhoz, cơưv shâuv đros têx fôngx zưs jax Pencak silat, Nghĩa thâuv tưs tưz zos lênhx sir jos thiêz cơưv tâu jông. Nghĩa têx cêr jông siêz, shir phaz zos thâuv ntâu jiês sir jos tâu đros tưr hâur têz qơưk, thax tsav thiêz sâuv ntiêx têz.

        Txos nhiv no, Nghĩa tưz tưr tâu ntâu huy chương cxuô zav, lar heik zos huy chương cuz hâur jiês tưr ntơưv Ấn Độ, Huy chương cuz Pencak silat ntiêx têz shông 2018 ntơưv Singapore; Huy chương cuz SEA Games 31, 32….

         Pos Quàng Thị Thương, Quàng Thị Thu Nghĩa li lênhx niêv heik: Cur chuôz zis tsi muôx lênhx tưs uô saz hâux lưv thêv thao, phênhv sâu tâu, zos khov lok sâuv chos poz cưk, kok ntông, pêz chuôz zis cux xưk li luôs lưv chuôz zis txơưr hâur jok.

        Thâuv kaz shông cơưv zuôr tas ntơưr cxênhx 2, pâuz tiêk lênhx nhuôv nhiêv thêv thao, cur thiêz chuôz zis thâuv tưs cux cxơưz paz thiêz muôz jông cxuô luz six hơưv chiê mê nhuôv sir jos cơưv shâuv, tưr tâu jông: “Cur lok shir phaz thiêz jông siêz thâuv zuk mê nhuôv tâu đros luôs lưv tus tưr têx txux chi hâur SEA Games, thâuv seiz nhuôs tưr cur cux moz siêz thiêz đros cxơưx trâu mê nhuôv; taz sik thâuv cơưs nhuôs tưz tưr tâu jông, niêv thiêz txir lok six jông siêz”.

         Nhạc nền dân tộc….

      Tưr tâu Huy chương cuz ntơưv SEA Games 32, Quàng Thị Thu Nghĩa tưz tưr tâu 2 huy chương cuz sir lơưr liês ntơưv jiês Đại hội thêv thao hâur thax tsav. Nghĩa li tsưr ziv txuôk lơưr zos hâur shông no zos sir jos cov tưr tâu trơưk siêz xar ntơưv Đại hội Thêv thao châu Á-ASIAD 19 tsưr tsix lok hli 9 zuôr txos ntơưv Trung Quốc./.

                                   (Trấn Long-Riê Lâux cxeik, nhênhv)

Hêir nênhs Êđê nhoz Buôn Ma Thuột ntênhk hội thor ntux yar ntux nas

           Dân trên nhạc nền………

        Têis cik sơưr nzor, ntơưv yar tiêx jos Ky tưz muôx chôngz lênhx pêx xênhv tuôx đros côngv kriz uô ntênhk hội. Chor hluôk, paz  zơưv txi côngv  kho đêi đuô cxuô luz đruôk tôngx, cxêz tôngx. Cxuô lênhx nxêik hnar têx tsôngk tiêz tsôngk yo jông jav cxôngx nzor, bax cxuô zav chiê txi côngv. Tus muôv H’ By La Byă shir phaz lul hêik: “No zos jiês xuz thơưx cur tuôx đros côngv txi côngv thor ntux yar ntux nas, cur sêiz pov cux lov jêv hênhr.  Hêir nênhs Êđê ntênhk txi côngv thor ntux yar ntux nas cux jông txơưr huv đros hêir nênhs co li luz nênhx nox nhoz muk lok hâur niêx hnuz”

          Ntơưv tsoz hâur pâuk ntông lox, tsôngv pêx xênhv sơưr đơưk  tưz bax tâu oz luz fênhz suôz mê, muôx cxuô zav chiê txi côngv thor ntux yar ntux nas. Iz luz fênhz suôz zos txi côngv luz ntux; luz fênhz suôz tiv oz zos chiê trâu nôngz kôngz li poz cưk, blêx. Saz hâur fênhz suôz zos chiê trâu đuôz ntông, zos chor trâus tsiv, viv chox kriê nak nôngs, tsiêx lok ruôr kôngz lôngk hâur têx liêx têz. Iz chas co, cux muôz chơưr, kêiz, cxuô zav đuôz ntông mê pir li Nxư, Tsor, Tsâus.

          Txix ciês suôz đruôk tôngx, cxêz tôngx đror, tus cưk txi côngv piz thor ntux yar ntux nas zưs sđ têx kôngz lôngk, sâu tâu ntâu kôngz; trơưk qêz, suô têx cêr fêv, cêr moz gênhk muk lơưv đêz. Đhâu ntơư, zơưv txi côngv co thiêx grêk lok trâu ntơưv iz faz tsêr fênhz suôz chiê chos blêx. Pos H’Luếch Hđớk, 65 shông shir phaz lul hêik pâuz: “Cur jông siêz ntâu, viv kriz uô zos đrêiv hêir nênhs Êđê têx txux chi, vênhx huôv jông cxôngx nzor thiêz ntênhk hội no iz shông tâu kriz uô iz jâus, uô ntêx thâuv zuôr piz tsêz chos chiv kôngz shông yiêz”

          Trơưk li zơưv Y Bang By ă, nhoz jos Ky, phường Thành Nhất, Thành phố Buôn Ma Thuột; hâur ntu đrav ntêx, hêir nênhs Êđê ntênhk hội txi côngv thor ntux yar ntux nas, zos kriz uô trâu chêix ntux kruôr, đhâu tsôngv px hlơưr têz tas, tok ntux lok nas bax tsêz chos kôngz lôngk. Taz sik nhiv no luz nênhx muôx ntâu hlôngr yiêz, hêir nênhs Êđê ntênhk txi côngv thor ntux yar ntux nas chuôs li tưz trâus pôngz plox lơưv jux juk: “Tuôr tsês cov tâu truôx zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhs tsik chiê pôngz plox, cux tsênhv zos tsôngv px nhoz jos Ky iz luôs hâux lưv uô phiv liv; taz sik cux tâu hâu nov phường Thành Nhất muôz mê njik nhiêx paz chiê kriz uô ntênhk txi côngv thor ntux yar ntux nas lok zưs sđ têx kôngz, sâu tâu ntâu kôngz lôngk, sđ muôx luz nênhs tsâu sor./.

                               Tsu cxêik nhênhv-CTV Hoàng Phúc, CQTTTN