“Ntênhs nox mor blêx yiêz” sâuv thax tsav qơư jông jav nhoz tox siêz faz Bắc

           Nhoz siêz 1 cxênhz 800 yiv pir li niêv đêx hiêr, iz ndis puôr lênhx zos trôngz siêz, xã Ngọc Chiến zos iz hâur têx đras liêx lox zos tsêz chos zav blêx blâuv kaz nto bê nhoz huyện Mường La, tỉnh Sơn La. Zơưv Cầm Văn Hà, nhoz jos Mường Chiến, xã Ngọc Chiến, huyện Mường La, Sơn La pheiz kênh: “ Shông no sâu tâu blêx, chuôz zis lok six shir phaz. Blêx blâuv muôx ziz njiêz lok six coaz tsôngv hâur pox nhuôs li trôngx mor yiêz, chuôz zis tưs cux hleik blêx lok uô mor blâuv…chiê txi côngv pos zơưs, xar njôngr muôx tâu iz chiv cheix sâu tâu ntâu, ziv hnuz ziv tsâu sor”.

            Ntênhs phêv nox mor blêx yiêz nhoz Ngọc Chiến zos iz vênhx huôv chax chês muôx txix nzor, tâu côngv thôngx têx mênhx cxưx xã Ngọc Chiến seiz tsiv grê thiêz tuôr tsês jông txix ntâu cxênhx nênhs lok no. Zơưv Bùi Tiến Sỹ, Bí thư Đảng ủy xã Ngọc Chiến, huyện Mường La, Sơn La pheiz kênh: “Shông no ntênhs nox mor blêx yiêz tâu tsưr tsix trơưk hnuz so ntênhs Quốc khánh xiêz 2/9, viv li ntênhs phêv shông no đros njiêz luv tror hôx phưx đuô têx tsiv grê vênhx huôv chax chês nhoz xã Ngọc Chiến. Đrâuv tsưr tsix txi côngv ntơưv tsêr txi côngv Đon Hó chiê thor pos zơưs, đaz xênhz têz xênhz qơư, car đêx car ar tsưr tsix ntênhs, shông no tsênhv tsưr tsix hôx phưx nênhs La Ha li ntênhs Pang A, hu plis tưv. Yuôr têx huôx tôngv tsưr tsix uô si trâur lâuk mak tror hôx phưx têx tsưr ziv uô si tưz trâus pôngz plox 40-50 shông tov ntêx”.

          Uô cxur mok ciz, ntês njês, zôngv chiêz mur cok ntâuz…..zos têx jiês thik jông hâur Ntênhs phêv nox mor blêx yiêz nhoz xã Ngọc Chiến shông no.

          Sik côngv đros khôngz qiv hâur ntênhs phêv, pos Hangv Thị Sú, nhoz jos Pú Dảnh, xã Ngọc Chiến, huyện Mường La shir phaz heik: (luk Hmôngz).

          Têz qơưk, lênhx nênhs đros thiêz têx vênhx huôv jông txơưr nhoz Ngọc Chiến cux zaz zâuv tâu chôngz lênhx nênhs tuôx ndis seiz uô si. Niêv lâuk Nguyễn Lan Anh, tsôngv kruô tuôx txix Hà Nội pheiz kênh: “Đhâu iz jiês muk uô côngz xưv ntơưv Ngọc Chiến pov têz qơưk jông jav, viv li hnuz no cur chox chuôz zis muôx 20 lênhx tuôx ndis seiz uô si, trơưk six hơưv tsôngv box Ngọc Chiến tsưr tsix ntênhs nox mor blêx yiêz. Cur lok six shir phaz thâuv pox nhuôk nhoz no tuôr tsês tâu vênhx huôv jông, cur chuôz zis tưz muôx tâu iz jiês muk ndis seiz têz qơưk lok six muôx ziz njiêz”./.

Lê Hạnh-Txâur Vax cxeik nhênhv

Huôv tsar truôx vênhx huôv chiê cxiv ts qơư ndis uô si, sêiz shuôk têz qơưs hâur thax tsav tỉnh Lai Châu

          “Cur chuôz zis tâu têz qơưs muôz nhiêx uô vuôk luôx thiêz iz cxiê nôngz zuz tsoz chos chiê huôv tsar qơư ndis uô si, sêiz shuôk têz qơưs. Nhiv no, ziv hnuz ziv muôx chôngz lênhx kruô, tsik muôx txâuk qơư tok kruô; li ntơư cur tror cxiv uô nzir đar đuô. Txix qơư tsêr tok kruô ndis uô si, sêiz shuôk têz qơưs, cur chuôz zis cux muôx phênhv sâu tâu ntâu nhiêx txiêx đuô pir li ntu đrav ntêx”

         “Chênhr zos muôx tỉnh têx nhiêx txiêx muôz paz, chor tuz nxêik hluôk nthuôr uô cêr lov jêv nhoz cxuô luz jêx jos cux huôv tsar tâu truôx jông, huv đros tsôngv kruô siêz nhiêv”

          Ntơư zos tsôngv px thiêz hâu nov ntơư qơư phêiz kênh, đhâu thâuv tâu hâu nov tỉnh Lai Châu muôz nhiêx paz trơưk li hội đôngx tỉnh Nghị quyết tso tơưv.

            Nhạc nền Mông………….

           Jos Sì Thâu Chải, xã Hồ Thầu zoshuyện Tam Đường qơư nto bê ndis uô si, sêiz shuôk têz qơưs, muôx yênhx cxênhz lênhx kruô hâur têz qơưs thiêz kruô oz chas têz qơưs tuôx sêiz shuôk hâur niêx shông. Viv thax tsav qơư co muôx tox trôngz câuv har jông jav txuôk đros tsôngv px hêir nênhs Cho ntơưv qơư têx txux chi, vênhx huôv jông cxôngx nzor; tsôngv kruô nhiêx tuôx sêiz shuôk. Pos Tẩn Thị Nhẫn, Phưv Chủ tịch UB xã Hồ Thầu, huyện Tam Đường hêik pâuz: “Txix tsôngv px ntơưv qơư têx tsêr cxôngx nzor, pêz tưz cxiv kho đuô têx tsêr ntông, tsêr puôz ar chiê tuôr truôx têx vênhx huôv jông cxôngx nzor. Đros co, pêz cux kriz cxuô lớp kriê cơưv cxiv uô luôs hâux lưv ntok ntâuz xơưk hêir nênhs Cho câuv mov. Ntơư zos iz luôs hâux lưv uô tsuv grê thiêz thâuv xơưk uô tâu cux muôs trâu saz Trung Quốc thiêz iz cxiê hâux lưv phiêz cxuô zav tơưz, phiêz trôngx tos cxôngx nzor cux tsênhv tuôr tâu truôx”

           Cux li ntâu tsênhv qơư, txos trâu nhiv no huyện Tam Đường tưz muôz nhiêx paz cxiv uô yiêz tâu 15 luz tsêr tok kruô, xav hur si chor tsêr tok kruô hâur thax tsav zos 40 luz. Huôv tsar truôx 4 luôs hâux lưv cxôngx nzor zos: Ntâuk triêv txuôk, hlâu, ntok ntâuz, phiêz cxuô zav tơưz, xơưk câuk mov…chiê muôs trâu cxuô thax tsav qơư ndis uô si. Zơưv Đỗ Trọng Thi, tsar phôngx vênhx huôv huyện Tam Đường, tỉnh Lai Châu hêik pâuz:  “Pêz tưz muôz mê njik pênhr nhiêx paz cxiv kho đuô têx tsêr tok kruô trâu ntơưv cxuô qơư ndis uô si côngv thôngx li: Lao Chải 1, jos Thẳm, Sì Thâu Chải. Kror tiv oz, pêz cux muôz mê njik nhiêx paz cxuô luz jos chiê cxiv uô fiêx trâu cxuô qơư ndis uô si côngv thôngx hâur thax tsav”

             Nhạc nền Mông……….

          Chiê tuôr tsês vênhx huôv txuôk đros huôv tsar qơư ndis uô si côngv thôngx, txos trâu nhiv no, cxuô tsênhv qơư hâur thax tsav tỉnh Lai Châu tưz muôz phênhv nhiêx paz uô tâu truôx zos đrêiv li tỉnh cxuô luôs hâux lưv, cxuô nghị quyết tso tơưv. Ntơư zos cxơưz cxiz cxuô tsênhv qơư huôv tsar truôx cxuô hêir nênhs têx txux chi, vênhx huôv jông txuôk đros huôv tsar qơư ndis uô si, sêiz shuôk têz qơưs huv đros tsôngv kruô siêz nhiêv. Zơưv Trần Mạnh Hùng, Phưv Giám đốc Sở Vênhx huôv tỉnh Lai Châu hêik pâuz:  “Hâur ntu fuô uô cxuô luôs hâux lưv tso tơưv, cux tâu cấp ủy,  hâu nov ntơưv qơư fuô uô huv đros. Iz cxiê hax vênhx huôv txuôk đros huôv tsar qơư ndis uô si, sêiz shuôk têz qơưs. Txos nhiv no, cux tâu cxuô tsênhv qơư moz siêz txos; hâur ntơư zos huôv tsar qơư ndis uô si côngv thôngx nhoz iz cxiê tsênhv qơư hâur thax tsav”

             Nhạc nền Mông……….

            Txix têz qơưs têx nhiêx txiêx muôz paz, tsôngv px nhoz cxuô tsênhv qơư tưz pâuz hlôngr yiêz luz nênhx huv đros tsôngv kruô siêz nhiêv. Đhâu ntơư, tsôngv px muôx phênhv sâu tâu nhiêx txiêx txix luôs hâux lưv huôv tsar qơư ndis uô si, sêiz shuôk têz qơưs. Ntơư cux chênhr zos iz luôs hâux lưv tsiv grê cxơưz cxiz trâu tsôngv px hlôngr yiêz tsưr ziv huôv tsar uô nox txuôk đros cxiv kho jêx jos, qơư nhoz jông jav./.

Tsu cxêik nhênhv-Khắc Kiên