TODRONG ɃÔH JĬ:

Jĭ pơ-‘ngĕh hơkar (LSD) kơ yuơ virus pơm ăn. Lăp đei ƀô̆h tơ̆ kơpô, rơmo, tơdrong jĭ au ư̆h tơpŏh tơ̆ bơngai păng rim kon tơrong anai.

Tơdrong jĭ au kiơ̆ pơyan păng tơpŏh jĭ kơtang lơ̆m pơyan tŏ yơ̆p, mư̆h mŭr măih au to chek lar char lơ. Tơdrong jĭ au pơrăm hơkar, pơm ăn hơkĕ păng đei ‘măng pơm ăn lôch hloi. Tơdrong jĭ au pơm ăn đak tŏh ư̆h kơ jrăh; mơmat mă đei kieo, ƀônh pơm ăn kon tơrong chông tim trŭh khei, kon hăp lôch hloi.

2. Tơdrong chă tơpŏh tơdrong jĭ au ‘moi kiơ̆ mŭr măih (hơngĕnh) roi, tăng key. Kơ yuơ chơ kon tơrong đơ̆ng tơring đei jĭ. Kơ yuơ đơ̆ng chă chô̆ kron hơdoi dĭh băl kon tơrong jĭ păng kon tơrong hoei kơjĭ. Kơ yuơ iŏk yua hơdoi găh bơng hiĕm, pơnhă đak, iŏk yua hơdoi jrŭm ƀet ming hơmet jĭ.

3. Đei ƀôh kơnăl mư̆h kon tơrong jĭ:

Chă sa ‘ngiĕt tŏ sĕt, ư̆h kơ sa ‘ngiĕt, đak tŏh tŏsĕt. Hơkau tŏ, pơ-‘ngĕh kơnol, đak hai jơ jưi, lĕch đak măt, đak mŭh. Tơ̆ hơkar pơ-‘ngĕh tơblêl hơblao, pơ-‘ngĕh tĭh đơ̆ng 1-1,5cm; hmă hmă ƀô̆h pơ-‘ngĕh tơblĕo tơblônh tơ̆ hơko (‘nao chă jĭ) trŭh jơ̆p lơ̆m hơkau (mư̆h đĭ jĭ kơtang). Dôm pơ-‘ngĕh au och kiơ̆ khei ‘năr, mă lei tơ̆ pơ-‘ngĕh au hăp kơhruih kơhraih hloi.

4. Ƀet pơgang bơ̆ng ăn kon tơrong kơ yuơ tim mă đei pơgang ming hơmet. Kăl chă ƀet bơ̆ng ăn kon tơrong tim mă đei jĭ. Găh đak pơgang ƀet bơ̆ng lơ tŏ sĕt ‘nŏh pơm kiơ̆ hơnĭh pơm tơlĕch pơgang pơkăp ăn. Jei gơ̆h chă ƀet bơ̆ng đĭ đăng kon tơrong tĭh iĕ mĕ kon jei gơ̆h ngăl. Tơdăh kơpô rơmo yŏng đĭ ƀet bơih ‘nŏh jei kăl ƀet bơ̆ng ăn kon hăp ‘nao hlông dang 2 khei.

Bơ̆ jang Dăr lăng hơlen vei lăng rơgŏh hơdroong kon tơrong:

‘Nĕ gan ăn tơmoi năm tơmang lăng hơnĭh rong kon tơrong. Đĭ đăng tơmoi năm, gre chă mơ̆t tơ̆ hơnĭh rong kon tơrong kăl pruih pơgang vă tang găn pơrang jĭ. Lăp chă răt rong kon tơrong đơ̆ng hơnĭh rong ‘lơ̆ng. Dôm kon tơrong ‘nao răt rong kăl lăng hơlen mă brĕ hơdrol vă chơ ba păng chô̆ hơdrô̆, ư̆h tơmơ̆t hơdoi lơ̆m tơpôl kon tơrong dang 28 năr. Kiơ̆ jơ ‘năr kăl chă hơpuih hơmet pơ ‘lơ̆ng hơdroong kon tơrong. Ôp rơgŏh trech, jrŭm ƀet pơgang kiơ̆ ƀlep kih thuơ̆t. Kôch mă rơgŏh, hơmet mă ‘lơ̆ng ĭch kon tơrong.

HƠMET PƠ-‘LƠ̆NG MƯ̆H ĐEI TƠDRONG JĬ PƠRĂM

Mư̆h ƀô̆h kon tơrong jĭ ‘nŏh năm tơroi hloi ăn dơnŏ anĭh jang pơgang vei lăng kon tơrong tơring.

2. Pơm kiơ̆ ƀlepnơ̆r pơtho khan đơ̆ng Dơnŏ anĭh jang pơgang vei lăng konb tơrong găh tơdrong jang tang găn pơrang jĭ ăn kon tơrong.

3. ‘Nĕ chă tĕch, chơ ba kon tơrong năm tơ̆ tơring đei jĭ.

4. Chô̆ hơdrô̆ hloi hăm dôm kon tơrong jĭ. Kôch hơmet pơ ‘lơ̆ng ĭch kon tơrong, pruih pơgang tơ̆ hơdroong, hơnĭh rong kon tơrong hloi.

5. Hơnơ̆ng iŏk yua pơgang pơlôch mŭr măih (hơngĕnh) roi au to hăm trong puih pơgang tơ̆ hơdroong dăh mă pruih hloi tơ̆ hơkau kơpô, rơmo.

6. Kôch akŏm ĭch kon tơrong, pơm pơ ‘lơ̆ng hăm trong uh sinh hŏk dăh mă ƀŭ, sŏh, ‘nĕ kơlê̆ đak dơ̆ng, ĭch kon tơrong lơ lơ̆m hơdroong.