VOV4.Bahnar - Tơdrong kơtơ̆ng ang 'năr ou, đei dôm tơdrong kơtơ̆ng ang tơm tơ̆ hơla âu:
-Tổng Bí thư Tô Lâm bơ̆ jang hăm Anih krao hơvơn kon pơlei Trung ương găh tơdrong bơ̆jang kiơ̆ hơnăp jang krao hơvơn kon pơlei đơ̆ng blŭng jăl jang Hop akŏm 13 kơ Đảng truh dang ei păng hơnăp jang tơm đơ̆ng dang ei truh Hop akŏm 14 kơ Đảng.
-Thủ tướng Phạm Minh Chính vang akŏm păng pơma tơ̆ Hop akŏm tih G20 tơ̆ Brazil.
-Kon Tum pơih să tơdrong pơm hla ar chih tơbăt teh pơtăm sâm Ngọc Linh.
-Hop akŏm găh tơdrong sơđơ̆ng Belgrade pơma dơnuh dôm long nol đơ̆ng tơdrong tơblăh tơblŭng tơ̆ Ukraine.
-Ƀok Joe Biden jĭ Kơdră tơm oei bơ̆jang dang ei mă blŭng kơ teh đak Mi năm tơmang tơ̆ bri Amazon