Tamekai hu iek lac sa janih pandap mbang siam kayua nyu oh hu chất béo saong hu biak takik calo. Lingiu di nan, tamekai daok hu rilo chất dinh dưỡng yau vitamin A, B1, B6 & C, axit pantothenic, biotin, kali saong magiê. Dalam kadha harei ini, kol dahlak hu kadha vak brei thau ka jalan pala saong iek glang tamekai, da-a mikva saong taong abih gauk tui pang.

Jalan pala saong iek glang:

Tui panuac kakei di Viện Phun pala, piah pala tamekai hu rilo baoh siam, kein laba rilo, mikva njauk ngak tui dom ilamu yau ini:

- Tukvak trun pajaih siam di abih meng harei 20 bilan 3 tal harei 5 bilan 5, asar pajaih ka 1 hecta nan labaih 400g. Meda pala tui 2 jalan nan lac: trun asar pajaih tapak angaok ro saong pala tui jalan pabam phun anek dalam bầu, dalam nan jalan ngak ka 2 mboh siam di abih.

- Ngak taneh: Pilih taneh pasaoh, tathuak ia siam yau taneh meluk cuah, taneh ngak 2 vụ padai, taneh hu độ pH 5,5- 6,0, ngak taneh ka nyu siam, pok ro praong 2 mét meteh, pala sa talei di kreh ro dom phun atah di gauk meng 50 tal 60cm, yaok lubang pala 2 phun atah di gauk 10cm piah hu meng 16 ribau tal 20 ribau phun dalam sa hecta.

- Khak buh ka 1 hecta brei hu 5 tấn khak hữu cơ + 250kg urê + 500-600kg supe lân + 240kg kali clorua. Buh halok taong abih khak hữu cơ.

Meyah hu điều kiện njauk me-om blah nông nghiệp, caik mbaok jhuk tame gah dalam, mbaok patih tabiak gah lingiu, phluh gilaong saong plaik asar tame. Buh pachreih mbang 1 (1/6 đạm + 1/6 kali) hadei di tuk pala meng 15 tal 20 harei, brei pok haluk glaong di gha saong buh pachreih mbang 3 taong abih khak daok labaih veik tuk baoh ndam rilo tui jalan lai ia nồng độ 5-10% bloh pruh tame. Meyah phun tamuh oh siam, njauk pabak tame khak NPK (13:13:13) lai mbrang saong nồng độ 5% pruh tame kreh ro.

- Meyah ro oh me-om meng blah nông nghiệp ye hadei di tuk buh pachreih mbang 1, ngak brei samu mbaok ro, mek pon me-om sre ka phun nyu sro.

- Njauk khik ginup pasah ka phun nyu praong, nyu tamuh siam, abih di nyu nan lac tuk phun tabiak bingu, ndam baoh saong raong baoh praong.

- Sangka caik hatai iek duah saong samar pacang cakak dom janih ruak kik halak halin yau ruak thu layau, ruak sương mai, phấn patih, ruak ra-ai phun, halak mbang hala,, rệp muội, bọ phấn...

                                                                        Biên dịch –Hanipha