Patui danak dak mbang nyaom 9, page ini 12/6, Quoc hoi ginum biai ka bruk ramik pagam dom jabat karja pakat tinh thun 2025 saong brei tapa Sarak ka bruk nan. Tui bruk ba tabiak, hadei tuk ramik blaoh, dalam negar hu 34 jabat karja pakat tinh, dalam nan hu 6 ban pakat negar saong 28 tinh. Jabat karja birau, hu dua pakat, lac pakat tỉnh haong pakat xa tame ngak bruk meng harei 1 bilan 7. Rajaei mboh lac ini oh lac ramik veik bruk di karja, bo daok lac piah salih birau, paglong ilmao ngak bruk, jhul pakhang bruk parabha pakat karja saong pakham bruk khik iek tui ta-eng, brei taduan bruk ngak di karaj palei.

Thanh tra so Ngak nong saong Moi truong tinh Soc Trang birau taong phat bruk ngak suan di 3 cua hang pablei ndap mbang di Công ty C.P Việt Nam dalam tinh. Yaok cua hang taong phat 35 trieu dong. Dom cua hang taong phạt kayua pablei ndap mbang hu harak gal brei thau ndap nda hacih sa-at min abih tukvak pandar.

Gah chuc nang Binh Duong birau chap khik labaih 11 tan ndap nda khik la-ar abih tukvak pandar, oh thau meng halei mai di gilang khik piah la-ar di Ban Thuận An. Dalam nan, hu 2 gilang daok khik piah labaih 6,2 tan kaya kan la-ar nan lac: ralaow manuk, ralaow pabui, rilo ada, xuc xich oh thau angan je, hu meng halie mai, njauk ndem tal taong abih ndap nan oh daok tukvak pandar. Dom po cua hang khan lac dom labik pablei salih, ngak tabiak pandap, dom labik kuan mbang praong sit saong kong ty ngak tabiak ndap mbang ralo.

Di huyen  Châu Thành, tỉnh Hậu Giang birau rah tabiak glut jaleih taneh, ar kraong ribaong di sang ong Đặng Văn Nhớ di ribaong Mái Dầm, palei Phú Đông, thị trấn Mái Dầm. Labik glut jaleih atah 25 m, lih tame dalam ar praong abih lac 6m, taneh lahik 150 met vuong, ngak lahik jalan dalam palei, kuhria khat lahik jaik 120 trieu dong. Bruk ba tal glut jaleih taneh kayau ia nduac ba theik. Kuhria meng akaok thun tal ini, Hau Giang rah tabiak 27 labik glut jaleih ngak khat lahik jien jaik 3,3 ti dong.

UBND huyen My Tu, tinh Soc Trang khan lac, po radaih  ngak salah blaoh bruk pasiam tatua jaoh jaleih di jalan Raya 940. Po radaih taduan buh tabiak abih dom jien ngak veik tatua, brei ngak tatua piah hu nao mai dahlau dalam tuk padang ngak veik. Dahlau di nan, biar harei 18 bilan 5, ong Sơn Thanh Tùng (daok di xã Thạnh Phú) peih radaih  tai hu pagam can cau gam haong 12 got betong tuk peih nduac tapa ye tatua jaoh glut trun sa gah. Bruk nan ngak gal jalan, karja palei brei peih ngak  jalan tatua nao tapa dahlau klak gal jalan.

Bol lin Han Quoc brei pedeih peih  loa papar sap pathau khan jaik taphia negar Trieu Tien. Bruk nan yau brei mboh kham merat pambuak veik hatai jia di negar Trieu Tien saong bruk salamat di kaoh pulao Trieu Tien. Tong thong Han Quoc  sanya brei padeih dom bruk brai ba-ar cagar Bình Nhưỡng saong danak peih loa papar sap tame Trieu Tien, dalam tuk duah jalan pambuak pasiam veik Han Quac - Trieu Tien. 

Jabat Nhan quyen di LHQ daok dang anak bruk kan kandah jien padai biak trak kurang tal 60 trieu USD kayua dom taneh ia daong piah cakak jien trun takik. Bruk kurang jien ndo nan mai meng My, lac taneh ia rik daong jaik 25% kadung jien yaok thun ka gah ini hu cakak trun jien daong, tui nan My jeng daok tavak jien LHQ jaik 1,5 ti USD. Trung Quoc rik tame biak ralo dang dhi dua  bhian suai damuai bayar jien, ba tal kurang ralo jang. Dua taneh ia ini meblah labaih 40% kuhria taong abih kadung jien di LHQ.  

Tui hang thong tan karja Iran, takik abih 3 urang metai saong 10 urang karei njauk rambuac kayua bala apui khuah rah tabiak di harei 11 bilan 6 di sang mac ngak menyek di gah Meraong negar Iran. Bruk apui khuah oh ka ngak brei cambaic laic saong daok duah thau tantu. Puac bilan 4 meng blaoh, sa mbang patuh khang rah tabiak di pabah tasik gah meraong negar Iran, ngak 57 urang metai saong labaih 1.000 urang karei njauk rambuac./.