DALAM NEGAR BA TABIAK BREI THAU BRUK PAGAM JENG SA JABAT KARJA SAONG BREI BRUK KA URANG
Thứ hai, 15:44, 30/06/2025 ÁI NGHIÊM – MINH KIÊN ÁI NGHIÊM – MINH KIÊN
CHAM.VOV.VN- Harei ba tabiak brei thau karja palei 2 pakat lac kadha sajarah – Harei raya di taneh ia.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Page ini di Ban raya Ho Chi Minh, rah tabiak Harei ba tabiak brei thau dom Sarak di Trung uong saong bhum palei ka bruk pagam jeng sa jabat karja pakat tinh, pakat xa, brei abih truh jabat karja pakat huyen, padang kapul , brei bruk ka pakat uy, HĐ Bhap bini, UB Bhap bini, UB Mat tran Negar Viet Nam Ban raya HO Chi Minh, xa, phuong, dac khu. Dalam dom kadha siam payua tal bhap bini bol lin dalam negar saong bhap bini drei daok di negar langiu, Tong Bi thu hu ndom cambaih laih lac, tal tukvak ini, kapul khol drei hu tani tanat, jalan talei tapak, sa negar ba gauk uak drei tagok tal sa harei hadei ginup meda taneh ia, rahra haniem phol, ka sa Viet Nam patagok karo kajap.

Ndom meyai di Harei ba tabiak brei thau Sarak di Trung uong saong bhum palei ka bruk pagam jeng sa jabat karja pakat tinh, pakat xa, abih truh jabat karja pakat huyen, padang kapul ndang, brei bruk ka pakat uy, HĐ Bhap bini, UB Bhap bini, UB Mat tran Negar Viet Nam ban, xa, phuong, di Ban raya Can Tho, Akaok Quoc hoi Trần Thanh Mẫn ndom cambaih laih lac, ini lac kein lagaih praong di dalam negar, brei mboh sa kadha sajarah dalam bruk pasiam ngak bahrau the che, padang bruk ngak karja di bhum palei, peih tabiak sa tukvak patagok tukvak patagok bahrau di negar. Ban raya Can Tho pagam haong tinh Hau Giang saong Soc Trang, hu taneh praong tagok tal 6.400km2, rahra labaih 4 trieu urang.

Harei ba tabiak brei thau di Mentri Chinh tri ka bruk brei bruk ka Mban Chap hanh, Mban Thuong vu, Bi thu, Phaok Bi thu Tinh uy Dong Nai tukvak 2020-2025 jeng rah tabiak di page ini. Cambaih laih lac, brei bruk ka Mban Chap hanh Ndang bo tinh Dong Nai tukvak 2020-2025 hu 66 urang. Mban Thuong vu Tinh uy Dong Nai hu brei bruk dalam nan hu 15 urang (Dong Nai 8 urang, Binh Phuoc 7 urang). Ong Vũ Hồng Văn, Bi thu Tinh uy, akaok Kapul lambaok vakil Quoc hoi mbang XV tinh Dong Nai (klak) khik bruk Bi thu Tinh uy Dong Nai bahrau, tukvak 2020-2025, akaok Kapul lambaok vakik Quoc hoi mbang XV tinh Dong Nai bahrau.

Anak bruk mbuan ruak soi meda tamuh di dom bhum palei, piah jhul tagok bruk pacang, caga ruak soi, Mentri Y te pandar dom tinh patui veik pasang iek, oh luai labaih sa urang halei, rilo meng lac di dom labik mbuan tamuh jit, bruk klauk jru caga biar, hatai “nao yaok jalan, ieu yaok sang, pasang yaok urang” piah jak ba urang hu mbaok tame klauk jru caga peih praong, klauk jru caga veik hu ngak labaih 95% di dalam xa, phuong, saong oh luai “labaih” uranaih halei dalam thun umo njauk klauk jru dalam danak dak Klauk jru peih praong.

UB Bhap bini Ban raya Ho Chi Minh bahrau mbaoh tangin brei angan ka 28 ndap nda hu mbaoh tangin brei angan OCOP 4 patuk thun 2024. Njauk caik hatai sangka, bruk ndap nda OCOP di Ban raya hu bruk slaih siam mekre. Mryah dahlau daih rilo meng lac dom ndap nda meng kal yau ndap nda hu ngak rilo, ndap nda gheih meta ngak meng tangin atau dom athur ngak gheih ye urak ini hu peih praong tapa dom gah rilo yaom kaom tagok yau ye pandap mbang ngak ndap nda kaya, pandap menyum, pandap jru saong njauk ndom tal lac jitvu jirah rivang bhap bini.

Thai Lan bahrau pandar taong abih dom gah mang dalam negar anak meta brei padeih taong abih bruk mek internet saing di dong tal Campuchia dalam tukvak 15 harei. Bruk ini hu pandar iek praong di labik tapen negar dalam tinh Sa Kaeo. Taphia di nan, dom gah mang jeng brei pathau khan yaok 15 harei sa mbang ka bruk pablei the SIM hu pandar di Campuchia. Ini lac sa banah dalam bruk pasang duah kol duas pandar ilamo kong nghe tapa negar, piah pacang cakak dom bruk chot pagat hu pambuak tal dom kapul duas di Campuchia.

Kuhria meng akaok thun 2025 tal ini, Japon hu taduan takik abih 4 uranaih kamar metai kayua patuk. Ini lac tanut glaong abih di Japon kuhria meng tuk negar ini ngak bruk mek du lieu di thun 2018. Tui kuhria di Kapul Y te Dunya (WHO), yaok thun hu labaih 30 – 50 trieu urang njauk ruak patuk menuk saong 300.000 urang metai. Dalam nan dom bruk metai rilo meng lac uranaih umo ala 12 bilan.

Dong Rial di Yemen trun tanut biar abih labaih 2.760 rial salih ka sa dola My dalam dom mbang blei salih jaik ini. Ini lac tanut lahik yaom dalam abih di dong jien ini kuhria meng tuk mbang mesuh metak dalam negar tamuh tabiak di Yemen di thun 2015, ngak trak veik bruk kan kandah di yaok trieu rahra. Tui Lien Hop Quoc, labaih 80% rahra negar ini daok diuk rai ala tanut kathaot rambah.

ÁI NGHIÊM – MINH KIÊN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)