Jabat Po Negar nyaom biai ba tabiak Bruk pandar di Po Negar ka 9 Hukum hu Quoc hoi mbang XV brei tapa. Dom hukum ini dalam nan hu: Hukum Gru pato; Hukum Bruk ngak; Hukum Jien je jien mek tame karei; Hukum pasiam salih, pabak dom paka di Hukum Yaih khan; Hukum Janih hoa chat; Hukum Pasang iek saong buh jien tame phun jien Karja di gah ngak mbang pablei salih; Hukum Jien je jien mek tame di gah ngak mbang pablei salih; Hukum pasiam salih, pabak dom paka di Hukum Pandar nang luong patak pataom saong siam lagaih; hukum Kadung jien karja. Njauk ndom tal lac, Hukum Gru pato brei adat, jien bilan di gru pato hu dak glaong abih dalam kapul jien bilan pakat karja ka bruk ngak.

Tamat mbang nyaom ka dua, Hoi dong Jien bilan taneh ia buh phieu, brei tagok jien bilan biar abih di bhum tagok 7,2% meng harei 1/1/2026. Dalam nan, jian bilan biar abih di Bhum I meng 4,96 trieu dong sa bilan tagok 5,31 trieu dong sa bilan; Bhum II meng 4,41 trieu dong sa bilan tagok 4,73 trieu dong sa bilan; Bhum III meng 3,86 trieu dong sa bilan tagok 4,14 trieu dong sa bilan; Bhum IV meng 3,45 trieu dong sa bilan tagok 3,7 trieu dong sa bilan.

Biar harei saong malam kabroi 10/7, di palei Trí Thái, xa Hồng Thái, tinh Lam Dong (xa Phan Thanh, huyen Bắc Bình, tinh Binh Thuan klak) rah tabiak hajan praong, pagam tui angin khang ngak papeih pabung di dom baoh sang. Cambaih laih lac, hu 9 baoh sang, rilo meng lac di mikva urang Cam njauk khut tayah trak kayua hajan praong, angin khang. Kapul kong an, bol lin saong dan quan tu ve xa Hồng Thái daok daong dom baoh sang hu sang daok njauk khut tayah hu pasiam, samar drah tani tanat gilac raidiuk.

Bruk brei radaih taduan raok urang jakar, kong chuc meng Binh Duong saong Ba Ria- Vung Tau mai Pasak ngak bruk harak gal karja Ban raya HCM camereip mboh hu rilo lagaih, pabak sumu bruk nao mai di dom urang jakar. Yaok harei  hu labaih 300 mbang urang jakar ndik radaih taduan raok mai ngak bruk di pasak karja. Pasak Khik iek jalan mbak cong cong brei tut angan pandar radaih yaok harei tapa Zalo, urang jakar, kong chuc, vien chuc meda tut angan dahlau, klak palai jien padai jeng yau khik hu siam bruk ngak.

Bimong Po Ine Negar, daok di phuong Barak Nha Trang, tinh Khanh Hoa bahrau raok angan ienem mek pakat negar hu yaom glaong. Inem mek bimong kalan Po Ine Negar hu tukvak padang meng abap VIII tal abap XIII, hu dak tame lac inem kien truc nghe thuat pakat negar di thun 1979 saong Raya Bimong Po Ine Negar hu ba tame harak angan Drap ar ilamo oh mboh di meta thun 2012. Bimong Po Ine Negar urak ini daok khik piah 14 haral gal di patao dahlau diah saong 28 jabat ilamo siam gheih di angaok dom patau akhar, gam haong rilo ndap nda hu yaom glaong karei.

Dom urang jakar chuc nang Bulgaria duah mboh saong chap mek sa sruh radaih tai pandap la-ar pajeng 16 urang suan hukum di ban Ruse, jaik tapen negar Romania. Camereip duah iek bilik ngak la-ar, canh sat oh mboh ndap nda halei, min mac ngak la-ar daok peih. Tapa pasang iek tani tanat jang, urang jakar duah mboh labik gah anak hu labik kandauk, padauk 16 urang negar langiu.

Urang menek lime anek akaok meti di Trieu Tien dalam nan hu klau anek kamei, dua anek likei bahrau hu tabiak sang iek ruak, mai sang haong prein yava tani tanat. Tui Harak Choson Sinbo (jabat ndom meyai di Kapul urang Trieu Tien daok di Japon) urang menek lime anek lac kadha pandiak hu rilo urang sangka. Jeng yau Han Quoc, Trien jeng daok pandik akaok anak dom bruk menek takik. Karja negar ini hu pacheih dom baoh sang rilo anek yau sa bruk naih gheih saong jhul khang dom sarak hu kein lagaih piah pachreih menek.

Dak harei dak hu rilo uranaih saong dam dara di dunya khik ramik hu tukvak pandar samart phone saong mang xa hoi, piah khik siam prein yawa di drei. Tui bruk roh duah tapa labaih 20.000 dam dara saong amaik ame di 18 taneh ia, brei mboh, uranaih umo meng 12 thun tal 15 thun brei padeih pandar  smartphone, mac tinh bang atau dom mac jamraih pagam mang meng 18 % tagok 40% dalam 3 thun tapa. Ini lac bruk bui sambai brei mboh dom rairah uranaih dak harei dak thau khik iek rup eng./.