Tukvak tapa, gah y te Can Tho kham merat  peih ngak rilo jalan piah khik siam, salamat ka urang ruak saong camereip hu pandar salih kong nghe so. Njauk ndem tal, Can Tho hu 22 dalam 58 sang iek ruak hu Benh an dien tu, tui kuhria tal harei 30/9 meda hu dom sang iek ruak birau ngak blaoh saong khan brei thai taong abih labik iek ruak hu laneing gaiy ndih iek ruak hu pagam ngak harak dien tu. Bruk ngak harak iek ruak dien tu, mac jamraih thong minh, pambuak du lieu rilo bruk ba mai kein lagaih ka bhap bini: takik harak gal, takik abih tukvak, taduan hu jit vu iek ruak tani tanat saong lagaih jang.

          Xa kaoh pulao Thanh An, TPHCM hu 3 sang bac, 1 balai y te, 1 pasak ilamo - the thao gam gilang tapuk, gam 2 labik ngak bruk agama saong 6 labik kakuh ngak yang di  bhap bini. Kan kandah praong di xa kaoh pulao urak ini lac kurang manuac biak ralo, kan ngak bruk hu samar drah, siam mekre. Meng bruk ngak nan, xa kaoh pulao likau TPHCM samar ba tabiak sarak karei krih ka bruk cakrok patagok ilamo, agama, khik ramik adat cambat meng kan, pambuak pagam haong yulit sinh thai; tui nan pabak urang jakar ngak bruk lagaih ka gah ilamo xa hoi.

Bruk pachreih harei ilamo dunya ngan hoang kadha: Ca Mau - labik akaok Meraong negar, labik pataom alam langik tathik saong salamat” peih ngak meng harei 26 tal harei 30 bilan 9. Ong Ngô Vũ Thăng, Pho Akok UBND tỉnh Cà Mau ndem lac bruk ngak mbang ini lac yaih khan thaok binguk Ca Mau kaya meda, kaya meda ilamo, anit ranam saong salamat. Bruk nan daok ba mbuan lagaih piah pambuak  doanh nghiep, nghe nhan saong bhap bini Cà Mau saong TPHCM, meng nan jhul pakhang pambuak bruk, pachreih urang nao ma-in yulit saong pablei kaya bingi karei di bhum palei.

Biar harei 24/9, di ara kraong Tien di puk 1, phuong Cao Lãnh, tỉnh Đông Tháp daok rah tabiak bruk glut jaleih atah 150 m, mbang tame dalam labaih 15m, atah di labik glut jaleih dahlau di ini 80m. Bruk glut jaleih nan ngak kan kandah tal 19 baoh sang bhap bini. Piah khik hu siam mekre salamat saong drap ar di bhap bini, UBND phuong padang kalaoh kakei dahlau labik glut jaleih; jak ba urang daong 18 baoh sang tavak tame labik nan brei panduan ba salih nao labik siam mekre. Tui kuhria mboh dahlau labik nan daok jaleih veik, abih di nyu nan lac dom harei anak tal tuk ia gah angaok kraong tuh trun khang.

Jabat Canh sat pasang duah di Kong an tinh An Giang kham duah Dương Quốc Giang ndih tapui thun 1996, daok di đặc khu Phú Quốc piah duah thau ka bruk “ pambak tame bruk ngak meblah mek drap ar”. Meng thun 2023 Giang peih bruk ma-in hue online tapa zalo. Camereip, Giang jao jien ka dom urang me-in tal ginup piah urang jia tame, hadei di nan Giang peih veik rilo talei ma-in hue jak ba urang tame. Mbiah tal harei 02/01/2024, Giang khan lac tavak sre saong yak klak dom nyaom zalo kayua Giang padang tabiak blaoh nduac dauk, kuhria abih tih jien Giang meblah  hu di 15 talei hue labaih 4 ti dong.

Mentri Y te Indonesia pathau khan pasang iek bruk pablei pakao hala lac bruk hu makna praong dalam di taneh ia, piah pacang caga bruk lavang lavaih kayua pakao hala lac bruk lahik rilo jien padai di baoh sang, ba tal bruk cakak trun jien blei pandap mbang pabak ka prein yawa. Rajaei Indonesia iek bruk njuk pakao oh lac prein yawa bo daok ngak jhal tal urang ngak bruk. Njauk caik hatai jien blei pakao hala ralo jang jien blei rah mbang ka baoh sang.

Hadei tuk yam tap sa bilan padeih he pandiak catang, Nhat Ban daok tame bilan thu hu ia ribuk sua saong hu caga lac meda dang anak bilan la-ar biak la-ar oh ka bhian mboh. Dalam bilan he meng blaoh, taneh ia ini hu jiak 100.000 mbang urang tame sang iek ruak kayua pandiak, dalam nan hu tal 154 urang metai - glong abih kuhria meng dahlau mai. Tui dom urang ilamo, dom bruk rah tabiak oh bhian, langik pandiak, Nhat Ban meda hu dom mbang hajan khang ngak ia dauk trak.

Jabat  Kapal ahaok Vũ trụ Mỹ( NASA) harei 22/9 khan brei thau hu 10 urang ndik tagok langik birau, hu palih ruah mai meng labaih 8.000 urang, piah roh duah Ia bulan saong patuk sao Hỏa harei anak tal. Mbang akaok meti dalam sajarah, urang kumei  ngak phi hanh gia rilo jang urang likei, nan lac 6 urang kumei saong 4 urang likei. Nyaom urang ini hu 2 thun pasram patia dahlau tuk hu ginup piah par tagokl. NASA khan lac dom urang nan meda hu jeng urang akaok meti juah takai tagok patuk sao Hỏa.