Nyaom roya Dang bo tinh Dong Nai mbang 1, vaktu 2025-2030 peih tabiak di harei 29 saong harei 30/9 anak tal. Dong Nai lac don vi ngak salah blaoh nyaom roya pakat phuong, xa blaoh samar abih dalam negar, ngan haong 99 Dang bo di tinh uy  peih ngak hu jak jeng siam mekre. Nyaom roya hu mbaok di 450 urang lambaok vakil. Nyaom roya mbang ini hu ba kong nghe so tame ngak bruk pabak khaw tin ka nyaom roya. Tui nan, brei thau 19 bruk praong ka dak padang Dang, kinh te, ilamo xa hoi, tai nguyen moi truong, quoc phong - an ninh; dalam nan, ba tabiak bruk patagok taong abih pandap ngak tabiak vaktu 2026 -2030 kuhria rah tapa 10% sa thun tagok; 8 nyaom bruk ngak cambaic laic saong 3 bruk ngak suai lavik.

Tui Kong an TPHCM, yaih khan bruk ma-in mbia mbang jien lac bruk ngak suan hukum saong pakauk di Viet Nam. Yau nan min, yaih khan bruk ma-in  mbia rah bak angaok mang. Urang ngak suan meda langyah tui hukum karja. Kong an TPHCM kakei lac, bhap bini njauk khan brei ka gauk gar, ayut sahabat, baoh sang thau saong pacang caga. Juai hu mbaok tame, pambuak bruk ka kol pachot pagat mang xa hoi saong khan brei thau dom bruk pambuak bruk haong kol kanjak jhak, bruk jak, suan hukum karja.

Anak bruk UB chau Au (EC) ngak catang “pakat the kanjik” ba tal bruk pablei kaya kan tabiak negar langiu gaok kan kandah, tukvak tapa, abih pakat karja tinh An Giang  pataom tame ngak bruk ba jalan saong peih ngak dom jalan pacang caga taong chap suan hukum IUU. Mbiah tal ini, taong abih hu labaih 9.880 gilai ikan tut angan; taong abih gilai ikan mbaoh harak tui hukum ba tabiak saong pabak khaw tin ka du lieu bruk taong chap ikan pakat negar. Tinh daok pataom tame peih ngak rilo bruk, jalan ngak samar piah pacang cakak gilai ikan lih tame tathik negar langiu.

UBND ban Can Tho birau peih bruk padang ngak Danak dak “Patagok do thi hijao lagaih haong bruk langik salih karei di Ngã Bảy”, kuhria phun jien labaih 1.211 ti dong. Danak dak pamaong tal bruk cakrok patagok di dom do thi Bhum taneran kraong Cuu Long tui njauk quy hoach. Padang ngak Ngã Bảy medil hijao, caga bruk langik tathik salih karei, hatang brei ngak birau sumu gauk, mek hu tanut chuan do thi hijao, do thi ilamo. 

75 the bao hiem y te( BHYT) yaom 50 trieu dong hu jao brei ka dom anek raidiuk kan kandah do dom sang bac tieu hoc di tinh Dong Nai. Bruk alain brei the BHYT ka anek saih hu raidiuk kan kandah oh ka hu blei BHYT daong ka dom adei iek ruak hu lagaih, tui nan brei mboh bruk sangka, klak rabha di xa hoi piah daong ka anek saih tapa kan kandah, bac megru naih joi. 

Ribuk biak praong Ragasa, kuhria tal tukvak ini di thun ini, tuh tame rilo taneh ia chau A, mbiah tal ini ngak labaih sa pluh urang metai, labaih 1 trieu urang nao labik karei, abih di nyu nan lac ngak tayak tayaic Dai Loan gam talah binek di Hoa Liên.  Daok di  Quảng Đông, Trung Quốc brei paduan ba labaih 1 trieu urang dahlau ribuk Ragasa tuh tame. Labaih 20 ban raya khan brei peih padeih “5 bruk”. Trung Quoc  parabha 60.000 kaya drah samar ka Quảng Đồng, yau padai lều, laneing ghaiy talauk, phui men, gom kruac hadah saong dom pandap daong samar chip ka urang.

Urang jakar Colombia khan lac 25 urang jeng ngak mo daok gar ala lubang dalam trun taneh 80m hadei tuk glut jaleih labik kuac mek ameh di bhum Tay Bac di taneh ia ini melam 22 bilan 9. Dom bruk kham merat saong ndua nong trak urak ini pambak tame kapol urang daong cuu ho, dom urang brei ngak bruk dalam samar piah dauh daong ka 25 urang daok gar nan, gam ba tui mac moc ngak bruk.  

Dom urang jakar chau Au chap mek kol pachot pagat jien dien tu dalam tukvak di labaih 100 urang  kuhria jien khat lahik labaih 100 trieu euro sumu 118 trieu USD. Dom urang nan, ralo lac urang chau Au, kayua patui panuac sanya brei kein laba glong meng jien dien tu tapa dom mang online. Dom urang nan ngak bruk takik abih meng thun 2018, hu mbaok di 23 taneh ia.