Ngak bruk haong Ban Thuong vu Dang uy phuong Binh Thanh, biar harei 23 bilan 9, Bi thu Thanh uy TPHCM Trần Lưu Quang kakei lac dom bruk bo pakat xa oh ka ngak hu, TPHCM brei daong dom karja bhum palei, bruk halei daong oh ka blaoh  ye ban ba tangin tame ngak  ka blaoh. TPHCM oh klak caik dom phuonh, xa , dac khu. Tui nan caong khin, dom so dom gah ban raya, karja bhum palei brei pambuak siam jang, ngak bruk siam jang, hu jalan langyah catang jang dalam bruk ngak, khik brei kein laba ka bhap bini. Abih di nyu nan lac brei abih bruk oh daok “ harak gal ba trun ba tagok” calei oh tathak panuac, pakat ala oh thau ngak yau habar.

UB bhap bini tinh Dong Thap birau padang ngak danak dak Labik khik drap ar Chi bộ An Nam Cộng sản Đảng. Labik ini praong hu labaih 5 hecta, kuhria jien buh tame ngak labaih 145 ti dong. Chi bộ An Nam Cộng sản Đảng lac sa kapol ndang karei krih, meng dom harei akaok padang, tuk taneh ia daok lin tapin dalam sup malup kayua phong kien saong kalin meblah taneh ia, meng hatung hatai anit ranam taneh ia dom urang ndang rik daong bruk mesruh metak peih paha bangsa. Bruk anit ranam taneh ia lac prein khang yau langik tathik caik rai veik ka harei ini  hu ka khol drei kajap takai yaom tagok angaok jalan padang ngak jak jeng siam mekre saong khik caga taneh ia.   

Mentri Padang ngak birau hu harak ka bruk kareih pambang Mlang kapal haok Ca Mau sa thun piah ngak veik dom bruk brei pambak praong danak dak, pasiam Mblang kapal haok ini. Danak dak peih praong, paglong Mlang kapal haok Ca Mau hu phun jien labaih 2.400 ti dong, tuk ngak blaoh ba tame ngak bruk duh ka ahaok A320, A321 saong dom ahaok praong, pabak prein khang ka bruk ngak mbang patagok kinh te, ilamo xa hoi, tui nan khik brei an ninh quoc phong tinh Ca Mau saong bhum taneh ini.

Urak ini, Danak dak jalan mbak daong ka bruk cakrok patagok taneh pala phun mbang baoh, bingu ngak mekre di labik Mỏ Cày Bắc saong Chợ Lách (tỉnh Vĩnh Long) ngak salah.  Bhum taneh ini biar dhaong, ralo kraong ribaong saong kan kandah kayua ia tathik ndik, bhian ia mbak lih tame saong dauk dalam ia. Yau nan ye, bruk ba danak dak tame ngak bruk pacang hu ia mbak, khik hu ia taba, pabak ia pruh ka phun pala labaih 5.200 ha bein phun , khik siam saong paglong dom bhum pala durian, mang cut, kruac bung, dom palei pala bingu ngak mekre.

Ia kraong Buong nduac tapa Ban Bien Hoa, tinh Dong Nai ( klak) tagok samar ngak ia dauk. Rilo labik danak dak jalan peih drah Biên Hòa – Vũng Tàu saong dom jalan mbak dalam phuong Phước Tân dauk dalam ngak kan kandah tal raidiuk bruk nao mai di bhap bini jeng yau dom danak dak daok ngak. Anak bruk nan, karja pak ini paga talei , tacei pato bhap bini nao mai lagaih. Tui Jabat kuhria iek langik tathik Dong Nai,  dom harei anak tal, di tinh hu hajan praong. Mikva brei caga dahlau bruk ia dauk, glut jaleih…

Thu tuong Thái Lan Anutin Charnvirakul iew dom gilang pariak Thai Lan buh jien tame bruk ngak mbang kinh te samar ka dom doanh nghiep daok dang anak rilo kan kandah. Anak bruk daong doanh nghiep sit saong mbiah hu mesre jien saong klak rabha dom bruk kurang jien bayar sre. Tapa nan, khik hu phun jien ngak mbang tame tabiak lagaih, sumu gauk bruk khat lahik saong hu daong ralo siam ka dom doanh nghiep. Rajaei Thai Lan mboh lac kuhria daong taneh ia hu jeng pasak kinh te dang akaok dalam bhum.

So daong padam khuah Đài Loan (Trung Quốc) khan lac takik ye lac 30 urang lahik saong 2 urang metai hadei binek ia angaok ceik talah kayua ribuk Ragasa. Binek nan pacang ia tame ban sit Quảng Phủ, min talah ngak ia sua biak trak. Meng harei 22/9, ribuk Ragasa ngak hajan khang di Dai Loan, ba tal 25 urang njauk rambuac saong ngak gar ralo jalan, jaik 300 kapal haok padeih. 

Labaih 640.000 urang dalam abih tih jaik 1 trieu bhap bini ban Gaza, brei pandan ba tabiak truh medil ini tui tacei ba di gah bol lin Israel. Gah khik caga Phòng vệ Israel mboh lac dom urang tabiak truh ban Gaza tagok rilo dalam tuk bol lin Isarael dak harei dak lih tame dalam ban Gaza piah meblah medil ini. Tui dom harak pathau khan  y te di Gaza mboh lac, bruk mesruh metak kayua bol lin Isarael rah tabiak di Gaza meng bilan 10 thun 2023, ngak labaih 65.000 urang metai, jaik 165.000 urang njauk rambuac lac bhap bini salut mbut./.