Danak dak ngak 1 trieu hecta padai asar siam, takik thuak nerak di Bhum taneran kraong Cuu Long daok peih tabiak sa danak dak birau ka gah padai brah Viet Nam. Tui ong Trương Cảnh Tuyên, Pho Bi thu Thành ủy Cần Thơ, bruk pamong tal praong abih di Danak dak lac paglong asar brah Viet Nam, patagok jien mek tame ka urang ngak nong saong patagok gah ngak padai brah hu khang kajap. Ini oh lac jalan ngak piah khik padai brah saong jhul pakhang bruk pablei brah tabiak negar langiu, danak dak daok lac bruk ngak atah dhua piah padang angan je brah Viet hacih sa-at, khang kajap, piah pablei ka dom darak pasar dunya kan tame.

Di TPHCM daok peih ngak rilo bruk parang iek thaot binguk pahadar 80 thun Harei Meraong negar mesruh metak (23/9/1945 - 23/9/2025). Bruk praong di dom bruk ngak nan lac parang tabiak labaih 100 blah harak tu lieu ka “Meraong negar mesruh metak - Hadah hadai bruk khang kajap di Viet Nam” di Bein bingu Lam Sơn. Bruk nan oh lac brei mboh bruk mesruh metak khang kajap di bol lin bhap bini Nam Bo, bo daok kham merat caong khin ba drei patagok haong dunya, padang karja siam lagaih di ban dalam tukvak birau.

Meng bruk kham merat nao ngak mbang angaok tathik di bhap bini, daok mek hu rilo bilan ikan meng nan kaya ikan tathik di tinh Lam Dong tagok jaik 4% dut haong thun dahlau. Dalam 8 bilan tapa, ikan di bhap bini mek hu labaih 163.300 tấn, tagok jaik 4% dut haong tukvak ini thun dahlau. Langiu di nan, piah khik siam kaya dalam ia tathik, gah khik iek urang nao ngak mbang di tathik rilo mbang nao pasang iek tathik, pacang caga bruk taong cap ikan tathik suan hukum.

Anak bruk pakat xa oh ka thau ngak yau halei ka bruk palih ruah urang jakar gah pato megru ka dom sang bac, urang ngak praong tinh Ca Mau khan lac, tinh hu tacei pato So Pato megru peih bruk pakacah, khan brei thau bruk palih ruah; daok UBND pakat xa brei palih ruah tame. Tui So Pato megru tinh Ca Mau, bruk tut angan palih ruah gru pato ka thun bac 2025-2026 di 64 xa, phuong lac 1.055 gru. Tukvak tapa, rilo bhum palei di Cà Mau gak gal dalam bruk palih ruah gru pato.

Urang ngak di Chợ Lách, tỉnh Vĩnh Long tuk halei jang hu bruk ngak luac thun, jien mek tame tani tanat, njauk ndem tal bilan bingu pablei tuk Tet Akok thun birau. Bruk pala bingu di  Chợ Lách oh lac duah jien tame bo daok hu bruk ngak tani tanat ka rilo urang ngak di bhum palei. Ong Trần Hữu Nghị, Pho akok UBND xã Chợ Lách khan lac, xa lac bhum taneh praong pala dom janih bingu Tet, pablei ka labaih 5 trieu pandap bingu ka darak pasar. Njauk ndem lac, bingu cuc mam xoi mek hu harak OCOP 3 patuk, brei mboh bingu siam gheih saong angan je di bhum taneh pala bingu.

Ribuk khang Ragasa haong hangin khang 215 km/h saong hu tuk khang tagok tal 295 km/h, tuh tapa gah Barak Philippines biar harei 22/9. Tong thong Philippines caong khin jabat pacang caga bala meng langik tathik brei hu jalan pacang caga dahlau saong jalan ramik pasiam hadei ribuk samar abih, jak ba taong abih gah ngak bruk daong ka bhap bini hu siam abih. Tui nan, brei padeih ngak bruk di dom jabat, sang bac di ban ine  Manila saong kaoh pulao Luzon, kayua hajan praong ralo mbang gam hangin khang, mbuan lahik ndien, ia dauk saong glut jaleih taneh.

Anh, Canada saong Australia taduan karja Palestine, sa dalam dom bruk mai meng alah metah cadu hatai ka bruk mesruh metak di Gaza. Tong thong Karja Palestine meyaom dom bruk ngak di 3 taneh ia ini, mboh lac bruk ngak hu makna praong dalam saong njauk pamong tal bruk sron mbon salamat sumu gauk saong suai lavik, lagaih haong hukum dunya. Brei panuac chip, Thu tuong Israel ndem puac dom urang jakar ngak praong taduan karja Palestine daok alin ndap meyaom praong ka bruk sraw kadau.

Danak dak jalan pasei brei pajeng ba ndap trak hu ba tame ngak bruk peih meng nang luong hijao akaok meti di Trung Quoc, brei mboh bruk ngak hu siam tagok gah jalan mbak khang kajap di taneh ia ini. Danak dak peih meng Thần Mộc, Thiểm Tây tal Bao Đầu di Nội Mông Cổ hu Trung Quốc brei ngak bruk di harei 22 bilan 9. Ini lac danak pagam “ nang luong birau saong jalan pasei pajeng trak” akaok meti di negar Trung Quoc, caong khin brei peih tabiak jalan patagok birau ka gah jalan mbak pajeng ba peih meng nang luong hijao di taneh ia ini./.