Tal ini, 100% bhum palei hu pasang duah iek, brei thau ka tukvak saong hatai caong brei abih baoh sang oh daok taik tahak. Dalam negar hu daong padang saong pasiam hu labaih 264.000 baoh sang, rilo tinh, ban ngak hu rilo atau ngak blaoh samar drah jang tukvak ba tabiak. Di Ban raya Ho Chi Minh, langiu di bruk ngak salah hu 100% baoh njauk pasiam, ban raya daok daong veik ka dom bhum palei haong paok jien tagok labaih 200 ty dong, brei mboh hatai anit ranam gauk.

Hadei bruk pagam jeng sa haong Ban raya Ho Chi Minh, rilo dom so, dom gah, labik daok dalam UB Bhap bini tinh Binh Duong (klak) hu jalan ramik caga, pagam jeng sa dalam taong abih bruk karja dalam jabat, labik daok dalam UB Bhap bini Ban raya Ho Chi Minh. Min, dom labik jeng daok cang jalan ramik kuhria meng jabat ngak bruk. Dalam bruk pagam jabat karja, Binh Duong klak hu ramik meng 91 xa, phuong, ban sit trun daok 36 jabat; gam haong nan padeih ngak bruk di 9 huyen, ban.

Di bruk yaom taneh di klau bhum palei klak (Ban raya Can Tho, tinh Hau Giang saong Soc Trang), So Ngak nong saong Alam langik Ban raya Can Tho hu ba tagok likau padang adat hukum anak meta ka yaom taneh ka Ban raya Can Tho bahrau. Tapa bruk pasang duah iek urak ini, Ban raya Can Tho (klak) oh ka ba tabiak tanut kinh te ky thuat, 2 tinh Hau Giang saong Soc Trang klak hu salah blaoh bruk nghiem thu pakat xa (klak). Kayua nan, tukvak anak tal brei padang gilac tanut kinh te ky thuat saong jalan pasang iek taneh riya 2 pakat di Ban raya Can Tho bahrau.

Nam bilan akaok thun ini, kuhria dom tuai damuai mai tal bhum taneran kraong Cuu Long labaih 35 trieu mbang, tagok jaik 18% dut haong tukvak ini thun dahlau. Yaom lac mek hu rilo jak jeng lagaih, minh bruk ngak mbang pablei salih gah yulit di bhum taneran kraong Cuu Long daok brei mboh dom bruk daok kurang, kan kandah. Bruk pagam kum pambuak patagok yulit bhum taneran kraong Cuu Long saong pagam jabat karja pakat tinh hu pambak tal bruk padang ndap nda yulit bahrau hu angan di bhum palei.

Urang ngak nong tinh Vinh Long daok yam tame bilan yuak padai He Thu. Yaom lac, padai yuak hu kuhria rah tapa meng 4,5 tal 5,5 tan/ha padai that. Dalam tuk nan, yaom pablei dom pajaih padai hu pala rilo di hamu tok meng 5.500 tal 5.800 dong/kg. Ngan haong tanut yaom ini, dom hamu yuak hu labaih 5 tan/ha meng mada hu laba, min jeng oh glaong. Tui mikva urang ngak nong, bruk nan kayua tukvak padai choh bangu njauk haong dom mbang hajan, ngak ka asar padai saong brah oh bangi.

Hajan praong bahrau rah tabiak di dom tinh Thiểm Tây saong Tứ Xuyên (Trung Quoc) dom harei tapa brei ka karja njauk brei samar drah bruk ba rahra nao daok labik karei saong daong rahra bhum gaok bala. Hajan praong ngak lahik ndien di dom labik, ngak khut tayah trak jalan mbak, tatua saong khat lahik rilo ka gah ngak nong, ngak kanjah jhak tapak tal raidiuk daok dang saong ngak mbang duah jien di rahra, Karja palei samar drah peih dom jalan pacang caga plaih nyaik, pasiam bruk nao mai di jalan mbak.

Hy Lap brei padeih langyah dom harak likau ti nan di dom urang mai meng Barak chau Phi, dalam bruk dom urang panduan mai tal negar ini daok tagok samar drah. Khau tin ini hu ba tabiak tok sa harei hadei tuk karja gah Pur Libya pandar ka kapul urang jakar pakat glaong chau Au tabiak truh ban Benghazi tuk bahrau mai tal mblang kapal ahaok par di dahlau tuk rah tabiak mbang nyaom biai kuhria ka asal kadha panduan nao daok negar karei.

Dom kapul khung bo thanh chien yau Harja Hoi giao (IS) tu xung saong Al-Qaeda, kapul chu nghia Quoc xa Base bahrau, hu pambak tame dom ndap nda ilamo ky thuat lek taka so piah pilih ruah, payua jien kandauk tapa jien ndien tu, in phao karaong 3D saong pathau khan bruk ngak ka dom urang njauk hatai. Dom jabat pacang cakak khung bo di dunya duh hatai ka bruk rah tabiak di kapul khung bo pandar AI dalam bruk kuhria saong ngak di nyu./.