Kapol urang jakar Ban raya HCM nao rivang, jak ba urang jakar, urang lin, bhap bini saong dom gah di bhum tasik Tay Nam di negar nan lac: dac khu Côn Đảo, Hòn Khoai, Hòn Chuối, Thổ Chu, Nam Du, Hòn Đốc, Phú Quốc saong Nhà giàn DK1. Di yaok labik mai rivang, kapol urang jakar tangi rivang prein yawa, raidiuk, bruk di baoh sang, hatai caong takre di urang jakar, urang lin saong mikva di kaoh pulao. Bingun ini, Ban raya HCM alin rilo pandap, mac jamraih kuhria tui jien yaom6 ty 500 trieu dong, rik tame pachreih ba urang jakar, urang lin, bhap bini di dom kaoh pulao.  

UB Bhap bini tinh Dong Nai hu harak pabak jien labaih 40 ti dong piah daong ka dom urang jakar, cong chuc, vien chuc saong urang ngak mai meng tinh Binh Phuoc (klak) ngak bruk di Pasak Karja tinh Dong Nai hadei tuk ramik veik bruk ngak di karja. Dalam tuk rilo bhum palei dak ramik veik, bruk sangka tal raidiuk, jien bilan ka urang jakar lac bruk njauk ngak piah daong ngak brei tani tanat sang siam lagaih suai lavik.

Ban raya Ho Chi Minh kuhria buh tabiak labaih 141 ti dong piah padang 20.000 got gang jameng khik caga 500 km ar kraong, ribaong klah urang lih mek, piah khik taneh padang ngak ha tang, pala phun kayau hijao. Danak dak kuhria peih ngak meng ini tal thun 2029, oh lac daong khik hu bruk di Karja, pacang caga bruk lih mek taneh tapen kraong bo daok khik hu siam ka manuac urang, kaya drap ar di bhap bini daok jaik dua gah tapen kraong. Tui nan, bruk padang got jamang khik hu tani tanat di ar kraong, takik glut jaleih, khik jalan nao mai angaok kraong jeng yau khik bruk padang ngak hu tani tanat.

UB bhap bini phuong Cao Lãnh, tinh Dong Thap birau padang talaoh kakei dahlau bala, tui nan pacang jalan oh brei nao tapa jalan glut jaleih tapen kraong Hổ Cứ. Dahlau di nan, kayua hajan praong rilo harei pagam ia ndik tagok glong, ba tal labik tapen  kraong Hổ Cứ rah tabiak glut jaleih atah labaih 20 met, mbang tame dalam taneh. Mbiah tal ini rilo xã dalam tỉnh  hu 70 labik glut jaleih kuhria atah abih tih jaik 8km. UBND tinh Dong Thap caong khin gah chuc nang brei pasang iek, duah thau, peih ngak rilo jalan khik brei salamat ka dom danak dak di labik mbuan glut jaleih saong labik tapen kraong.

Ralaow lamo di darak pasar Vĩnh Long urak ini mboh rilo lagaih tuk yaom lamo diuk tagok veik hadei tuk trun yaom biar. Urak ini, yaom rilaow lamo tagok 15.000 - 20.000 dong sa kilo. Dalam tinh Vĩnh Long hu taphon lamo labaih 480.000 drei pataom ralo raong di dom xã bhum tapen tathik. Urak ini, yaom ralaow lamo tagok daong ka urang raong mboh bui dalam hatai, khin buh jien tame peih praong var raong, parilo limo piah duah jien tame.

Bruk ia ribuk sua ngak khut khat trak rah tabiak di 12 tinh di negar Thai Lan, ba tal labaih 161.000 bhap bini gaok kan kandah saong 3 urang metai. Jabat chuc nang Thai Lan jhul pakhang dom jalan pacang caga ia sua, pasang iek saong peih kareik ia  di dom binek kraong ribaong piah khik ia hu lagaih. Tui nan, duah thau ka ia ribuk brei ka bhap bini di dom bhum palei hu thau piah plaik njiak, panduan ba nao labik salamat lagaih.

Tay Ban Nha birau hu sa bilan He pandiak abih kuhria meng dahlau mai tal ini saong panjiak catang abih dut haong ralo labik di baoh taneh ini. Panjiak kuhria rah tabiak di bilan He meng blaoh lac 24,2 do C, glong jang dahlau di nan lac 24,1 do C thun 2022. Njauk caik hatai lac, daam dom harei he, yaok 3 harei ye hu 1 harei panjiak catang. Dom urang ilamo kakei dahlau, bruk langik salih karei ba tal dom panjiak catang jang bhian rah tabiak jang. Langiu di Tay Ban Nha ye rilo taneh ia karei jeng daok dalam bilan he panjiak dalam rilo thun tapa.

Roya alat ragam ragu Johannesburg - Nam Phi thun ini, dalam yawa alat ragam daoh saong dom bruk ngak chreih chrai di roya alat ragam ragu,  urang hu mbaok tame daok hu pasram thien saong yoga tui tacei ba di dom urang pasram hu angan je. Nam Phi lac sa taneh ia hu urang ruak haduh hatai, chrau chri kayua sahaneng kan daman abih di dunya ini. Thun 2024 taneh ia ini hu labaih 70% bhap bini gaok kan kandah anak bruk ngak yaok harei, labaih 50% bhian padeih bruk  kayua glaih glar saong 36%  urang bhian ngak bruk abih prein yawa./.