Tui Nyaom biai pakat negar tacei ba saong peih ngak 4 sarak hu makna praong di Mentri Chinh tri, rilo bhap bini saong urang ilamo sangka Sarak ka 70 ka bruk khik an ninh nang luong pakat negar tal thun 2030, pamong tal thun 2045. Rilo bhap bini TPHCM khan lac Sarak 70 taong yaom lac hu rilo kadha birau, gam pachreih dom gah ngak mbang kinh te buh jien tame ngak danak dak nang luong, gam jhul pakhang bruk pandar nang luong siam lagaih, pambuak haong bruk khik ramik alam moi truong. Tui nan jia tame dom bruk salih birau: meng bruk peih praong pandar nang luong hacih, jhul pakhang kong nghe ngak hacih hareik nhien lieu, tal bruk pakhang pacang caga tham nhung, palai pajua dalam bruk buh jien tame ngak mbang, blei ndap nda ka dom danak dak nang luong.

Ong Đồng Văn Thanh, Pho Bí thư Thường trực Thành ủy, Akok negar HĐND Ban Cần Thơ mai rivang saong ayuh harei Sen Đôn Ta di bol bhap Khmer thun ini doi paha Tứk Pray, xã Long Phú. Ndem meyai haong dom urang bhik su sai, àchar saong mikva Phat, ong Đồng Văn Thanh khan lac caong khin dom sư sãi gam mikva patagok bruk jum pataom, kham ngak  mbang, pachreih dom bruk pakacah anit ranam taneh ia, rik tame dak padang bhum palei dak harei dak patagok.

Labaih 1 bilan ini, yaom padai brah di tinh An Giang trun tagok oh karo, kuhria rah tapa trun 1 ribau dong sa kilo ngan haong dom pajaih padai, dalam nan hu pajaih padai Nhat hu tuk trun labaih 1.400 dong sa kilo. Ong Trần Thanh Hiệp, Pho Yam ndoc So Ngak  nong saong Moi truong tỉnh An Giang khan lac, yaom padai trun khang ba tal dom urang ngak hamu yuak padai hadei tuk gaok kan kandah min ini jeng prein khang piah mikva kham merat salih jalan sahaneng ngak mbang pala drak padai asar siam takik tathuak nerak.

Tinh Ca Mau ba tabiak bruk kham merat, ba Mũi Cà Mau hu jeng Labik Yulit pakat negar thun 2030, tui nan kham merat taduan raok 11,5 trieu tuai damuai saong kuhria taong abih hu 14.200 ty dong. Tui bruk ba tabiak, yulit Ca Mau brei patagok tui jalan hijao, khang kajap, pamong tal bruk kham merat jeng gah kinh te hu makna praong dalam, lac pasak yulit sinh thai, ilamo, sahaneng karei di bhum taneran kraong Cuu Long. Piah ngak hu dom bruk kham merat, Ca Mau brei pataom tame padang bruk quy hoach jhul pasamar saong paglong bruk yulit, abih di nyu lac Labik Yulit pakat negar Mũi Cà Mau.  

Ban raya HCM daok tame tuvak tabung glong, ngak samar bruk pacang caga bruk taong chap kaya ikan suan hukum, oh khan brei thau saong oh tui hukum IUU, ramik caga ngak bruk haong Kapol urang pasang iek mbang ka 5 di UB chau Au (EC). Kham merat gam haong taneh ia lang talaih “pakat the kanjik” TPHCM ngak blaoh saong daok peih ngak rilo jalan kham merat meng khik kapol gilai, tui iek bruk nao ngak mbang di tathik, thau hu meng halei mai piah langyah catang dom bruk ngak suan…Kuhria tal harei ini, Ban raya  hu jaik 5.000 gilai ikan, taong abih hu mbat taka so tui hukum ba tabiak.

Rajaei Indonesia daok peih tabiak bruk lagaih ka dom po buh jien tame negar langiu hu tame Danak dak kuhria yaok ti dola My, piah peih ngak 100 gigawatt (GW) dien ia harei ka dom palei, jhul pakhang bruk salih tapa pandar nang luong di pakat negar piah klak tambak tame dang patau. Meyah Indonesia peih ngak hu siam danak dak ini, ini lac bruk hadah krah ka bruk salih pandar dien di palei pala praong abih Dong Nam A.

My saong Trung Quoc njauk gauk ginum biai piah khik hu bruk pandar ung dung video katut TikTok di My. Tui bruk ginum biai, drap ar kaya di TikTok di Mỹ hu jao brei ka dom po pandar di Mỹ, tabiak truh kong ty amaik ByteDance di Trung Quốc.Ginum biai lac bruk patagok hadei rilo bilan ginum biai, dalam tuk Mỹ saong Trung Quoc duah jalan ladam trun bruk meriak gauk dalam pablei salih dui atah, meng lavik mai ngak sraw kadau darak pasar dunya.

Hajana khang di rilo bang pak negar An Do ngak tayun megei taneh, ia dauk saong gar jalan. Karja dom bhum palei gaok kan kandah brei panuac khan samar ka bruk hajan praong ngak kan daman dalam raidiuk yaok harei di negar. Di bang Uttarakhand, ia ribuk sua kayua hajan khang rah tabiak page harei 16/9 ba theik rilo palei saong darak, khut khat biak trak. Jabat khi tuong An Do kuhria mboh dahlau hajan praong daok dui atah dalam dom harei anak tal, ngak ia ribuk theik, glut jaleih di dom bhum ceik saong tapen kraong