Thu tuong Rajaei ba tabiak Sarak rik daong Kadung jien daong urang ngak bruk negar langiu. Dalam nan lac urang Viet Nam nao ngak bruk di negar langiu tui harak brei mai sang dahlau tukvak ba tabiak ye hu daong yau ini: urang ngak mai sang kayua gaok bala dalam tuk ngak bruk, bala karei, ruak kik trak oh daok ngak bruk pak negar langiu hu meda hu daong meng 10 trieu dong tal 30 trieu dong. Urang ngak brei mai negar kayua  urang po pah bruk negar langiu tayak bruk ngak mbang atau ngak sit veik kayua gaok bala meng langik tasik, jit ruak, bruk chinh tri, mesruh metak, kan kandah jien padai kinh te atau rambeih rambai dalam tuk ngak bruk di negar hu daong meng 7 tal 20 trieu dong.

Mai rivang, alin pandap ka dom baha, urang jakar huu tri naih gheih di phuong Nguyet Hoa saong phuong Tra Vinh, tinh Vinh Long bingun Sêne Đôlta 2025, Bí thư Tỉnh ủy Vĩnh Long Ngô Chí Cường hu ngak dom bruk rik daong di dom urang Hòa thuong, Mban quan tri  baha saong bhap bini phat tu dalam bruk khik ramik, patagok ilamo, pakajap bruk jum pataom taong abih bhap bini; tui nan jak ba mikva ngak siam dom sarak di Dang, hukum di Karja. Bi thu Tinh uy caong khin dom chu tang, urang phat patui bruk ngak di tinh dalam bruk padang ngak palei pala birau siam mekre, ilamo.

UB bhap bini tinh Cà Mau saong Kapol nyaom FPT mbaok tangin sarak taong abih gah pandar salih so, patagok ilamo, kong nghe, salih birau hadah saong pato pasram urang ngak bruk hu ilamo glong, tukvak 2025-2030. Di var mbaoh harak, ong Nguyễn Hồ Hải, Bí thư Tỉnh ủy Cà Mau caong khin Kapol nyaom FPT daong oh lac bruk kong nghe bo daok pato pasram urang ngak bruk ka tinh piah patagok. Dalam nan, abih di nyu njauk haong gah y te piah “ oh daok pandik pandua brei panduan ba nao labik karei, metah jalan mai gilac veik”.

Dalam dom harei tapa, phường Sóc Trăng, ban Cần Thơ peih bruk ngak harak brei angan tapa online di Sang iek ruak Chuyen khoa Ndih patui - Uranaih. Di Sang iek ruak Chuyen khoa Ndih patui - Uranaih, tuk  ndih tapui kuman tabiak, brei ngak harak brei angan ka kuman tapa online hu bruk daong di urang tu phap - ho tich phuong. Tapa bruk ngak nan,  oh lac daong kein lagaih ka bhap bini, bo daok brei mboh jalan daong abih hatai ka Bhap bini rahra, paglong  bruk peih ngak dom harak gal.

Mban khik iek danak dak padang ngak tinh Dong Nai birau ba tabiak brei ramik pasiam, kuac rok baong saong peih praong kraong ia Buông kuhria abih tih phun jien labaih 4.300 ti dong. Danak dak langyah bruk glut jaleih di Ban Bien Hoa klak saong huyen Trảng Bom klak. Tui karja bhum palei, rilo thun tapa, kraong Buông bhian ia duak dalam meng 1,3 - 1,7 m, dui atah tal 48 mon, ngak jhak tal raidiuk bhap bini.

Di var peih bruk di Vatican, Đức Giáo hoàng Leo 14 iew da-a padang hukum padeih patuh phao, peih palao dom urang daok chap khik di Gaza, jeng yau jhul pakhang sa jalan ndem biai nao mai. Ong khan lac bruk thau klak rabha haong gauk ka bruk bhap bini rahra diuk dalam huac kanda, gam gam klak palei nao kayua mesruh metak, gam iew bhap bini langkan likau brei salamat sron mbon saong njauk hukum adat. Dalam tuk nan, bruk di Dải Gaza daok patui catang veik hu jaik 48 ribau urang klak sang danaok, palei negar nao.

Cuc du tru lien bang Mỹ (Fed) brei trun jien laba 0,25 angaok sa rituh. Ini lac mbang akaok meti jabat ini brei trun jien je kuhria meng bilam 12 thun dahlau. Dalam tuk harak khan brei thau, UB Darak pasar peih Lien bang patui kuhria bruk cakrok patagok kinh te “ suai damuai”, tui nan pabak veik “ duah bruk ngak jeng suai” sang lam phat “ tagok biak samar”. Langiu di nan, Fed kuhria mboh dahlau 2 mbang cakak trun veik dalam thun 2025 saong sa mbang cakak trun di thun 2026.

Han Quoc dang anak bruk “ ameh tagok yaom” manuac sia di dunya ini jak gauk blei ameh dalam tuk ameh dunya tagok yaom glong, ba tui yaom kim loai patau krih di taneh ia ini jeng tagok tui. Dom urang langyah sahaneng lac bruk urang jak gauk blei ameh tuk yaom daok tagok, dalam tuk bruk khat lahik dak harei dak mbuan ralo jang, abih di nyu lac pambuak tal dom bruk taong jien je di Mỹ. Dom urang ilamo kuhria mboh dahlau yaom ameh daok tagok kayua rilo urang blei piah./.