Rajaei birau ba tabiak Sarak ka Danak dak ngak tui Sarak 71 di Mentri Chinh tri ka bruk cak rok patagok gah pato megru. Dalam nan pasang ngak brei siam danak dak pato megru pho thong, parilo tukvak bac dom mon khoa hoc, kong nghe, tin hoc. Piah pabak ginup hasa mejam tapuk bac yau gauk dalam negar meng thun 2026- 2027; pamong tal thun 2030 brei tapuk bac oh mek jien ka taong abih ka anek saih. Patui veik bruk salih birau jalan pasang iek, taong yaom, khik brei tanut diem njauk haong prein bac da-a, pasiam bruk bac gah langiu, pato gah langiu rilo.

Hadei jaik 8 bilan peih ngak, tinh Dak Lak ngak blaoh danak dak oh daok baoh sang taik tahak, kuhria abih tih hu 8.915 baoh sang hu padang ngak birau saong ramik pasiam veik. Ong Nguyễn Đình Trung, Bí thư Tỉnh ủy, Akok mban tacei ba ngak danak dak  oh daok baoh sang taik tahak tỉnh Dak Lak mboh lac: Bruk nan oh lac daong yaok ribau baoh sang bhap bini hu labik daok tani tanat, bo daok lac jalan ngak hu makna praong dalam piah khik brei tani tanat karo kajap, piah cakrok patagok kinh te-xa hoi dalam tukvak birau.

Dalam bilan he thu 2025, Bhum taneran kraong Cuu Long hu 11 bruk ngak ngan haong 355 baoh sang ngak padai asar siam bingi hacih takik tathuak nerak, kuhria abih tih taneh tam drak padai praong 543 ha. Tapa ngak tui jalan ngak hamu ngak padai asar siam bingi hacih takik tathuak nerak, urang ngak nong khik ramik ia dalam hamu. Urang ngak hamu padai tui jalan nan laba labaih hu meng 14,5 -36,3 trieu dong sa hecta.

Mbang hajan praong birau ini di tinh Dong Nai ngak ia dauk, ngak kan kandah tal raidiuk bhap bini. Xã Bình An lac sa dalam dom labik gaok khat lahik biak trak abih. Mban tacei ba Pacang caga bhum 1 - Long Thành pambuak haong karja xã brei urang jakar, urang lin gam haong rilo radaih, mac jamraih mai dang ka bhap bini ramik pasiam hadei ia ribuk sua. Tui yaok kuhria, meng harei 20 bilan 8 mbiah tal ini, ta-eng palei An Bình hu 5 mbang ribuk ia sua, dalam nan hu 2 mbang ia sre tame sang bhap bini ngak khut tayak rilo drap ar, bruk metai phun kayau saong athur raong.

Kong an xa Long Binh, tinh Dong Thap birau cap mek sa labik caoh menuk mbang jien tapa tivi di kuan ia pak sang ong Hồ Thành Hoàng, ndih tapui thun 1973, xã Long Bình, tỉnh Đồng Tháp. Di labik ini, gah kong an chap mek hu rilo urang ma-in mbia mbang jien, sa baoh tivi Samsung, dom ndap nda piah ma-in mbia, 12 radaih oto, 27 trieu dong saong 6 baoh phone tangin. Caoh manuk tapa mang lac bruk ma-in mbia birau di dom bhum palei pala, ngak jhak tal dom baoh sang saong manuac sia bhap bini. 

Karja Tổng thống Mỹ Donald Trump khan brei thau jien je birau ngan haong radaih oto saong dom ndap nda blei meng negar Japon -Nhat Ban hu ba tame pandar ngak tui meng harei ini. Tui nan jien je ngan haong radaih oto saong kaya ngak radaih Nhat Ban  dahlau diah  meng 25% trun daok 12,5 %. Langiu oto hu trun jien je, labaih 490 janih kaya ngak kapal haok  di Nhat Ban  pablei tabiak negar Mỹ oh mek jien je.

Bol lin gah an ninh Mexico duah mboh daong chap mek 1,5 tan matuy patau hu padauk dalam ala radaih katung container di mblang tathik Mazatlán, bang Sinaloa. Dom asar matuy nan kuhria tagok tal labaih 21 trieu USD, sumu labaih 1,5 trieu mbang matuy. Tok sa harei dahlau di nan, jabat chuc nang chap mek hu 4 urang saong duah mboh dom labik pala rilo can sa kuhria mboh labaih 1.150 phun.

Tui roh duah di dom urang ilamo meng Dai hoc Y khoa Sechenov di Nga kakei dom urang bhian njom virus SARS-CoV-2 meda njom sa janih ruak trak nan lac metai bruk talang hadei njom ruak COVID-19. Ruak trak nan kayua pataom dom te bao mast di dom bhum thun lagu trak saong darah khan di rah. Dom gru jru langyah bruk klaik klaoh pabak darah  ba tal talang thu, pandik pandua, oh nao mai hu saong salih khop.