Di nyaom biai pato megru dai hoc peih ngak di page ini di Ha Noi, Mentri Pato megru hu payua harak phieu pasang iek ka jalan palih ruah dai hoc meng thun 2026, bruk njauk caik hatai lac khik jalan palih ruah meng hoc ba ha-oh. Tui Gru Nguyễn Tiến Thảo, Akok Vu Pato megru Dai hoc thun 2025 hu 17 jalan palih ruah, anek saih brei palih ruak  meng hoc ba meblah 42,4%. Yau nan ye, tal tuk brei mong veik taong abih gah: brei palih ruah hoc ba THPTdalam tukvak anak tal ha-oh.

Hadei labaih 2 bilan peih ngak tui karja dua pakat, bruk ngak di Pasak Ngak bruk karja tinh Vinh Long  saong dom pasak xa, phuong ngak bruk hu lagaih tani tanat. Tapa mac jamraih langyah harak gal karja di tinh taduan hu labaih 83.800 ho so, langyah samar jang tukvak ba tabiak saong njauk tukvak labaih 80%. Vĩnh Long kham merat tal puac thun ini, hu taong abih harak gal hanh chinh taduan hu, langyah saong ba tabiak ngak brei cambiac laic, ngak brei sumu hatai caong takre di bhap bini, doanh nghiep.

Urak ini, yaom hadang the takai patih di tinh Dong Thap daok tagok khang di tukvak puac thun. Tui gah ngak nong tinh ini, dut saong bilan akaok, yaom hadang urak ini tagok meng 15.000 - 20.000 dong sa kilo. Jien ngak tabiak kuhria rah tapa 90.000 dong sa kilo, urang raong  duah hu laba labaih 50.000 dong sa kilo ngan hadang drei praong. Ini lac bruk siam ka gah raong hadang meng lavik mai bhian oh hu karo kajap dalam tukvak suai lavik kayua jien buh tame raong glong saong darak pasar oh tani tanat.

Yaom la-u thu di dom tinh gah Meraong dang di tabung glong. Rilo urang pala la-u di xã An Thạnh ( Ban Can Tho) khan lac, jaik abih rai pambuak pagam haong phun la-u min oh ka mboh yaom tagok glong yau urak ini. Meyah 5 bilan dahlau urang blei 177.000 dong sa pluh ye urak ini tagok 190.000 dong sa pluh. Tui urang blei, bruk ba tal la-u thun tagok yaom tukvak jaik ini oh lac mai meng darak pasar negar langiu bo daok kayua bruk khin blei dalam negar, abih di nyu piah ngak tabiak ahar keo pablei Tet thun birau.

Hadei tuk ramik ngak pasiam veik blaoh di bilan 12 thun 2022, dua baoh bimong gah Barak saong bimong Kreh, dalam dom bimong Cam Khương Mỹ, xã Tam Xuân, ban Đà Nẵng tayak tayaic. Urak ini, Mban Khik iek inek krung saong Gilang khik piah kaya Quang Nam  caong khin So Van hoa, The thao saong Yulit brei pasiam veik hasit piah takik khut tayak. Mban khik iek pak ini caong khin, jabat roh duah, duah thau bruk ba tal tal tayah tayaic di bimon Cam Khương Mỹ piah hu jalan khik ramik hu kajap jang.

Canh sat Malaysia chap mek hu jaik 3 tan 600 kilo jru lac, kuhria labaih 150 trieu USD. Ini lac sa dalam dom bruk duah mboh, mek hu matuy praong abih di taneh ia ini meng akaok thun mbiah tal ini. Tong thanh tra canh sat Malaysia khan lac, tapa duah thau camereip mboh dom urang ngak matuy ngak bruk meng bilan 7 meng blaoh. Kapol nan hu pah labik ngak kong nghiep piah ngak tabiak matuy parabha jru lac di Malaysia jeng yau tabiak negar langiu, dalam nan hu Indonesia saong Australia.

Kuhria meng bilan 7 tal bilan 8 meng blaoh, Nhat Ban hu labaih 900 mbang urang gaok bala atau lahik tuk ndik ceik. Ini lac ralo abih meng tuk taneh ia ini yaok kuhria di thun 1968. Bruk ba tal bala, hu 216 mbang urang labuh jaleih tuk ndik ceik, 171 mbang nao var glai, ruak kik, saong glaih glar. Langiu di nan, rilo urang lahik kayua kurang ilamo saong takik bac megru tuk ndik ceik, oh pasang langik atau ngui cuh khan ao lapih, oh lagaih tuk ndik ceik…

Sa mbang patuh phao khang di biar harei 17 bilan 9 tui tukvak di bang Pennsylvania - Mỹ, ba tal 3 urang metai saong 2 urang karei njauk rambuac trak. Gah chuc nang oh ka brei thau angan je di dom urang nan jeng yau urang patuh phao, kayua bruk pasang iek daok ngak bruk. Canh sat pak ini hu khan ka labik patuh phao lac “sa labik praong saong daok langyah duah thau”, min mboh bhap bini abih huac