Mentri Padang ngak birau pathau khan Rajaei brei peih praong 18 danak dak peih drah samar Bac – Nam gah timur, jalan Ha Noi – Ban raya HCM, tagok 6 jalan radaih. Kuhria abih tih phun jien buh tame ngak daknak dak labaih 152.000 ti dong, piah pabak bruk pajeng ba saong patgok bruk ba tame pandar. Tui quy hoach, jalan peih drah samar Bac – Nam gah ia harei tagok atah labaih 2.055 km, urak ini hu 1.652 km jalan ba tame pandar. Mentri Padang ngak brei peih praong dahlau 6 jalan di 18 danak dak di jalan Ha Noi- TPHCM, ngan haong kuhria abih tih labaih 1.144km.

UB Bhap bini Ban raya Ho Chi Minh mbaoh harak ka danak dak pasang iek yaom taneh ngan haong labaih 7.500 jalan sit, praong. Labaih 27.000 phieu duah thau peih ngak, klak rabha dom jalan bhum 1 saong bhum 2, tui nan pabak dom jalan birau peih. Tui kuhria ini lac dom sarak kuhria tui yaom taneh, kuhria dom yaom saong labik taneh. Urak ini di Ban raya Ho Chi Minh hu klau yaom taneh nan lac Ban raya Ho Chi Minh, Binh Duong klak saong tinh Ba Ria - Vung Tau klak.  

Pasak Pachreih ngak nong Pakat negar di Mentri Ngak nong saong Moi truong birau padang Kalup kapol urang ilamo ngak nong di Bhum taneran kraong Cuu Long. Kalup kapol hu 118 urang lac dom urang ilamo, doanh nghiep gah ngak nong, ngak bruk tui hatung halan hatian, hu quy che ngak bruk cambaic laic. Ong Nguyen Van Thanh, urang daong tacei ba di Sang bac dai hoc Cửu Long, urang dalam Kalup kapol lambaok ka urang ilamo Bhum taneran kraong Cuu Long, urang dalam kalup kapol  sanya saong ba abih hatai daong ka dom kapol ngak nong dalam bhap bini.

Tui Kapol nyaom ngak tabiak saong pablei baoh kayau Viet Nam, bruk khin blei baoh durian di Viet Nam di dom darak pasar negar langiu daok tagok glong, abih di nyu lac Trung Quoc, yau nan min, dalam negar oh ka ginup. Di bhum taneran kraong Cuu Long, durian hu urang blei yaom glong, meng 90 ribau tal 105 ribau dong sa kilo, daong dom po bein duah hu jien laba glong, min hu ginup pndap nda pablei tabiak negar langiu oh ralo kayua langik salih karei oh lagaih.

Labaih sa adit ini, yaom li-u thu di tinh Vĩnh Long tagok veik 20.000 dong sa pluh (12 baoh). Urak ini, li-u thu hu urang blei di bein yaom 240.000dong 12 baoh, glong jang 100.000 dong 12 baoh dut dsaong akaok thun. Ini lac yaom glong abih kuhria meng dahlau mai. Tinh Vinh Long hu jaik 120.000 ha li-u, dang akaok dalam negar saong meblah jaik 50% taneh pala li-u dalam negar. Li-u nan lac sa dalam 6 janih phun kong nghiep duah hu rilo jien dalam negar.

Dom urang jakar pakat glong di Mỹ khan lac My, Trung Quoc njauk gauk dalam bruk jao brei pandar ung dung video katut TikTok tapa sa kong ty Mỹ pasang iek. Ini lac sa bruk dalam mbang ginum biaipraong jang ka jien je saong sarak jien padai, birau tamat di Madrid (Tây Ban Nha). Dahlau di nan, My hu rilo mbang kakei dahlau pakauk TikTok meyah Trung Quoc oh kadun bruk kak je saong dom bruk daok kurang ilamo kong nghe trun atau takik buh  jien tame ngak mbang.

Rajaei Indonesia jaik ba tabiak paok jien daong ka 3 dalam thun ini piah pachreih baoh sang urang cai pandar jien saong jhul pakhang bruk ngak mbang kinh te. Sa dalam dom bruk brei ngak dahlau di danak dak lac daong ka anek saih sinh vien hu mbaok tame dom danak dak hu jien bilan saong pambuak haong urang palih ruah piah hu bruk ngak daong jien mek tame. Jien daong je jeng hu peih praong, dahlau diah bruk trun jien je urang tok mek di manuac nao ngak bruk dalam dom gah hu pandar rilo urang ngak yau jhik menyim, kalik juah saong kaya ngak mekre sang danaok, urak ini kuhria gam gah labik padeih padei saong kuan mbang ka tuai damuai.

Bala biak trak apui mbang abih yaok rituh baoh sang di sa labik daok di bhap bini di ban ine Manila, Philippines di puac adit tapa ngak labaih 1.000 baoh sang lahik abih. Dahlak apui khuah mon 20 tuk melam harei 13/9 saong mbang tapa dom labik daok hu ralo bhap bini. Gah daong padam khuah saong dom kapol urang halan hatian ngak bruk rilo mon luac melam tal tuk padam hu apui di page 14/9. Bhap bini khan lac, sang danaok apui khuah mbang abih. Oh daok khan ao pih cuh, langiu khan ao ngui cuh di rup. Bruk nan daok hu duah thau cambaic laic./.