Tal bac “Kompute oh mek jien” pakak peih  meng bilan 3 thun 2024 mai jeng ye brei bac magru yaok tame malam sanecar haong adit di Sang bac THPT Chi Lăng, phuong Chi Lăng ban Pleiku. 30 urang bac di palei Ia Lang, phuong Chi Lăng jeng hu bac gam gam. Ong Puih Chyh, umo 60 thun, sa urang bac hu umo ralo thun di abih dalam tal bac brei thau:

“Tame bac piah duah thau ka ilamu barau dan haong jammariah compute, piah thau jang ilamu rah ra jaman ini”

Brei ka bih jabat jeng ye ka manuac urang, jammariak brei thau biak mboh bhian, nyu oh kurang hu dalam raidiuk jeng ye dalam bruk ngak, min tapi nyu oh mboh bhian haong mikwa palei Ia Lang. Kayua yau nan ye bruk bac magru compute mboh biak chreih hatai. Adei H'K'riêng, umo 14 thun, sa urang bac chreih sambai lac: Adei bac Excel mboh kan, min tapi gru pato pachrei haong pato kakei tani tanat.

Danak bac hu dom janih ilamu brei ka compute jabat ngak bruk  yau ye dak tui Word, ngak tui

Excel, brei peih PowerPoint, thau taong thau dak thau ramiuk dalam computer. Sang bac Chi Lăng jeng brei 3 urang gru pato gah compute haong 30 baoh jamariah compute daong magru bac. Gru Đồng Ánh Dương, urang dang pato khan brei thau lac:

"Bac magru biak chreih. Sang bac brei 30 baoh jammariak compute haong brei 3 urang gru daong patao. Kon hulin dahalak jeng pilih dom urang bac jeng ba tame pakacah compute jabat bangsa dunya"

Hadei tukwak bac magru, tal bac hu brei taong yaom di akaok bilan 10. Mboh lac, 30 urang bac thau kaot cih kadha jeng ye thau pandar dom janih biasa di internet. Saai kumei H'Tinh, akaok Chi bộ gam haong akaok palei Ia Lang, ieu lac urang bac joi di abih dalam tal bac, caga bac mek ilamu pakat compute glaong jang, khan brei thau lac: Palei Ia Lang hu 12 urang bac tamat blaoh, dalam nan hu 5 urang bac biak joi. Masa tukwak meng anak, sang bac Chi Lăng mada daok daong ka urang bac compute ngak bruk jabat piah mek hu tanut glaong jang. Dahlak mada jak ba mikwa tame bruk ka ganap. Dhar phol tal Karja hu sarak daong palei Ia Lang, sa labik kan daman mek hu ilamu jamraik ilamu jaman barau.

Tui muk Hồ Thị Ngọc Huyền, akaok pakat Đảng ủy phường Chi Lăng, gam haong abih dalam tỉnh, phường Chi Lăng  daok pachreih lek ka pakat nagar. Bruk peih tal bac compute oh mek jien ieu lac sa janih bruk ngak siam ngak njuak brei pok glaong ilamu bhap bini rahra. Meng nan brei padang ilamu taka, rahra bhapbini taka số:

“Khol dahalak hulin khin daong bhap bini, dalam nan hu brei ka urang bangsa tukik, patagok ilamu lek taka. Patui di nan, mikwa hu ilamu eng drei tame internet, pandar mayit lek taka số yau ye mayit intenet tapak haong jaka, haong y tế taka, haong intenet dalam rahra. Bruk pamaong tal di nyu brei pataom ngak jamamriak lek taka ba tame raidiuk, nao tui jalan sarak nagar brei patagok bruk ngak mbang kinh tế taka số haong raidiuk rahra taka số di Thủ tướng Rajaei”./.