Tỉnh Đồng Tháp cak rok patagok khang bruk raong ada, tapon ada hu jaik 7 trieu drei; dalam nan raong rilo abih lac ada palei mek baoh, raong tui jalan lac brei ada nduac duah mbang di mblang hamu saong kreik veik. Tỉnh pilih ruah huyện Tháp Mười saong Tam Nông ngak bhum raong ada palei mek baoh. Dom pajaih ada rilo meng lac dom janih ada palei meblah labaih 90%. Ini lac pajaih ada mebaoh, yaok baoh pablei  haong yaom urak ini lac meng 2.200 -3.000 đồng sa baoh, urang raong laba meng 500-900 đồng sa baoh.

Ong Nguyễn Chí Tâm daok di xã Tân Phú, huyện Thanh Bình brei thau lac, meng tuk blei ada anek mai raong, janih ada palei, labaih 3 bilan nye mebaoh. Kuhruia rah tapa, janih ada ini praong caih baoh trak meng 1,2-1,5kg. Sang hu tapon ada caih baoh labaih 1.000 drei, raong tui jalan brei nduac duah mbang di mblang hamu. Yaom lac raong takik min hu laba rilo kayua tui kuhria yaom pablei lac 1.800 đồng sa baoh. Tapon ada caih baoh di ong nduac di mblang hamu duah mbang yaok harei brei 800 baoh. Bahrau blaoh, ong pablei yaom 3.000 đồng sa baoh. Hadei di tuk kaoh abih dom phun jien, ong Tâm laba hu jaik 1 trieu dong sa harei.

Ong Phạm Cao Sơn daok di xã Mỹ Đông, huyện Tháp Mười brei thau lac, bruk raong ada mek baoh di ong lac raong kreik janih ada palei (kareik dalam hamu sang), brei mbang meng pandap mbang kong nghiep saong oh palao tabiak mblang hamu. Raong ada kreik yau nan hadei di 4 bilan lac brei mek baoh. Meng 3000 drei ada, tui kuhria yaok harei ong mek hu labaih 2.500 baoh.

Abih di nyu nan lac, raong ada kreik brei baoh praong jang saong hacih jang janih ada palao raong di mblang hamu. Kuhria rah tapa, yaok baoh ada raong kreik trak 70-80g; dalam tuk raong ada palao di mblang hamu yaok baoh trak 60-65g. Urak ini, baoh raong tui jalan raong kreik pablei hu yaom glaong jang ada nduac duah mbang di hamu meng 200-300 đồng sa baoh.

Saai Lê Văn Thìa, daok di xã Phú Lợi, huyện Thanh Bình brei thau, sang raong tapon ada palei mek baoh jaik 3.000 drei nduac duah mbang di mblang hamu. Urak ini, yaok melam mek hu 1.500 baoh, yaom yaok baoh meng 1.500 đồng. Tui yaom pablei yau urak ini lac 2.200 đồng sa baoh, saai laba hu labaih 700 đồng sa baoh.

Jalan raong ini pambak tame pandap mbang hu blaoh di mblang hamu yau asar padai druh hadei di yuak, padai metai di mblang hamu, dom ikan, hadang, arieng, bao di dom kraong, ribaong, mblang hamu. Langiu di nan, oh cang buh jien rilo tame var raong nan ye trun hu biak rilo phun jien buh tame. Meng nan, tagok jien laba dalam bruk raong ada nduac duah mbang di mblang hamu mek baoh.

Đồng Tháp lac tỉnh lagaih piah cak rok patagok bruk raong ada kayua hu rilo mblang hamu ngak padai praong, langik tasik siam lagaih luac thun. Gam haong nan, pandap panda yau ye makuac, haleik, padai, brah dalam bruk ngak nong gam haong dom pandap mbang hu blaoh di mblang hamu biak rilo. Tinh hu tapon ada saong baoh rilo abih dalam taneh ia. Gah raong ada oh cang hu ilamo, phun jien glaong, jalan raong biak samar, kein laba. Kayua yau nan ye, Đồng Tháp ba gah raong ada lac sa dalam 5 gah pasiam veik gah ngak nong di tinh, pamaong tal bruk  padang angan “ada Đồng Tháp”.

Ada palei di Đồng Tháp tuk caih baoh, ada binai trak 1,2-1,5kg; ada brei mboh glaong meng 200-250 baoh sa thun, baoh trak meng 60-70g. Pajaih ada ini hu prein duah mbang biak naih, siam lagaih haong langik nhi