Piah pala njam hu yaom glaong, dom labik ngak mbang padang hợp tác xã pala harat njam patam gam haong salih ilamu tui jammaraik ka urang ngak nông, papraong taneh pala tui VietGAP atau pala njam siam ka sihat prein yawa haong khik caga alam langik tasik. Pagap ye Hợp tác xã njam siam saat Thạnh Hưng (Gò Công Tây), Hợp tác xã ngak nông pablei salih thương mại dịch vụ Phú Quới (Gò Công Tây), Hợp tác xã ngak nông tổng hợp Hòa Thạnh (Gò Công Tây), Hợp tác xã njam saat siam Bình Nghị (Gò Công Đông),  Hợp tác xã njam saat Tân Đông (Gò Công Đông)… Gam tui di nan, piah pagam bruk pambuak gauk ngak, kuria pablei njam ka urang pala, dom  hợp tác xã kham pakhang bruk tut tangin pambuak sarak haong urang blei gam haong pasar, dom akaok pasar darak dalam langiu tỉnh yau ye: Metro, Mega Market, Bách hóa Xanh… Yaok hợp tác xã pablei ka akaok darak meng 5-7 tấn njam sa harei. Hu yau nan, urang ngak nông sanang hatai ngak mbang patagaok kinh tế. 

Ong Võ Minh Luân, Giám đốc Hợp tác xã ngak nông pablei salih thương mại dịch vụ Phú Quới (huyện Gò Công Tây) brei thau, hợp tác xã hu labaih 130 urang, taneh pala njam tui VietGAP jaik 15 ha. Tui tapa pambuak bruk ngak mbang, yaok harei, hợp tác xã pablei ka darak pasar praong sit dalam haong langiu tỉnh meng 4 tal 5 tấn njam hacih tui VietGAP. Gam haong mbang payeng meng 8 - 10 mbang sa thun, yaok thun, urang ngak nông pala njam patam laba hu meng 120-150 triệu đồng/ha, glaong jang 2 - 3 mbang ngak padai. Meng pala njam patam, ralo urang ngak nong tabiak  truh kathaot, padang hu raidiuk tani tanat.

Yau ye ong Trần Minh Công, urang daok di xã Yên Luông, huyện Gò Công Tây brei salih 4.500 m2 taneh ngak padai tapa pala njam patam. Yaok thun ong Công payeng hu labaih 10 mbang pala njam patam, kaoh abih jien buh tame, jien pablei mek hu mangaok 200 triệu đồng. Ong Công brei thau lac: "Kayua salih tapa pala njam patam, sang ong  palaih hu njom ia mbak dalam thun, jien mek tame tani tanat, rai diuk hu tagok cambac lac brei sanang hatai ngak mbang jang"

Tui Chi cục Pala drak haong Khik Caga phun pala (Sở ngak nong saong patagok palei pala) tỉnh Tiền Giang, dalam bilan Hè Thu 2024, urang nông di dom huyện Gò Công Đông, Gò Công Tây, Ban Gò Công pala hu labaih 14.300 ha njam ralo janih. Urang ngak nông dân di palei jeng mek hu labaih 303.000 tấn njam patam dom janih pablei ka darak pasar di dalam haong langiu tỉnh. Tapa taong yaom, meng patagok phun njam patam di angaok taneh ngak padai, dalam bilan thu thun 2024, yaom lac langik tasik njom ia mbak praong min urang ngak nông pala njam oh khat lahik, bo daok hu laba glaong, rai diuk tani tanat.

Gò Công Tây lac sa dalam dom labik praong ka pala njam patam di gah Timur tỉnh Tiền Giang. Meng akaok thun mai, mikwa pala hu mangaok 1.220 ha njam patam, dalam nan hu lasun, hẹ, kadaoh, pluai, baoh kathaoh, lanaong,... mek hu takik di nyu labaih 24 tấn/ ha, bhum palei mek hu angaok 26.000 tấn njam patam yaok janih.

Njauk uan tabuan lac dalam bilan Hè Thu 2024, njam hu yaom nan ye ba mai ka  urang ngak nong kein laba glaong. Tui Chi cục Pala drak haong Khik Caga phun pala tỉnh Tiền Giang, dalam  bilan Hè Thu 2024, urang nông pala njam di dom huyện, ban gah ia hrei tagok di tỉnh hu laba labaih 137 triệu đồng/ha, glaong jang 4 mbang dut haong ngak padai năng suất glaong.