Bac tamat haong 2 bằng đại học gah Ilamu taneh saong Ilamu phun pala (Sang Bac ngak nong – Đại học Cần Thơ), sa-ai Dương Đình Tuyễn (umo 27 thun, daok di xã Trường Thành, huyện Thới Lai, TP Cần Thơ) khang hatai mai palei padang mbang ngui meng pala durian suan bilan, duah hu labaih 1 tỷ đồng yaok thun.

Urak ini sa-ai Tuyễn hu 2 bein durian praong 1,6ha. Dalam nan, bein praong 1ha daok pala labaih 160 phun durian praong 8 thun. Bein daok gilac praong 6.000m2 jeng hu sa-ai pala 130 phun durian praong 6 thun. Bruk njauk biai nan lac, durian dalam bein jeng hu sa-ai Tuyễn langyah ngak brei tabiak baoh suan bilan, meng nan pablei hu yaom biak glaong.

Menek tabiak dalam sang ngak nong, meng sit hu maong mboh amaik ame rambah rambup di langiu mblang hamu, bo padai tuk njauk, tuk oh biak glaih glar. Meng di nan, sa-ai caong salih mblang hamu jeng dom bein phun mbang baoh hu rilo baoh saong kein laba glaong jang.

Peih mbaok ka bruk ngak brei caong takre hu jeng biak, sa-ai tut angan túi bac megru pambuak gah pambuak tal ilamu taneh, phun pala. Gam bac, sa-ai gam pataom ilamo iek glang phun durian, ngak brei tabiak bingu, raong baoh, buh khak habar ka njauk...Gam haong nan, sa-ai Tuyễn ba tangin tame bruk ngak pasiam taneh padai, tagok bein pala durian haong pajaih Ri6 saong dom phun pajaih Monthong, Musang King. Ini lac dom pajaih hu baoh rilo, baoh bingi, hu darak pasar biak takre.

Meng ilamu dalam jaik 10 thun, sa-ai Tuyễn hu roh duah saong ngak hu bruk ngak tabiak bingu, khik ka phun durian brei baoh suan bilan. Meng nan, pablei hu yaom glaong tuk darak pasar hu takik baoh durian.

Tui sa-ai Tuyễn, piah ka janih phun ini tabiak bingu, njauk sangka tal bruk ngak ka thu ia, taoh ia dalam ribaong bein, gam metham nilon tagok mbaok ro saong vil taom gha oh brei ia hajan njaom tame gha. Taphia di nan, bruk buh khak, jru ka bein jeng hu yaom glaong piah pacang bruk praong tagok di phun, daong ka phun durian pataom tame tabiak bingu. Labaih 1 bilan hadei di tuk ngak brei tabiak bingu, phun tamuh meta, jeng bingu, tuk ini sang bein brei sangka tui iek.

Cambaih laih, jalan ngak hu sa-ai Tuyễn ngak lac bilan 9 sa-ai ngak brei tabiak bingu, buh khak, ngak tamuh mata, pacang matham nilon piah ngak ka thu taneh. Taphia nan, sa-ai ngak dom labang ka phun taoh ia samar, patakik bruk praong tagok di gha, ngak brei thu lagu ka phun. Hadei di tuk phun tabiak bingu, sa-ai brei buh khak, pruh jru piah caga saong pasiam ruak ka phun durian. Meyah iek glang njauk jalan, labaih 6 bilan lac paik hu. Durian suan bilan hu baoh biak siam, praong, bingi, yaom pablei glaong jang đưa? dua mbang duk haong pala njauk bilan.

Min, bruk ngak tabiak bingu suan bilan ka phun durian brei ngak rilo ilamu kỹ thuật haong gauk. Kayua lac yam tame bilan hajan ngak kan tal bruk thụ phấn di phun. Abih di nyu lac ia hajan ngak mbrang  ‘nồng độ mật" dalam bingu, phun thụ phấn oh siam, oh tagok asar.  

Sa-ai Tuyển brei thau: Kayua dahlak hu bac megru tani tanat ka phun pala nan ye tuk ba dom ilamo ini tame bruk pala drak di sang hu mbuan lagaih jang rilo. Yau ye bruk pilih ruah dom janih jru halei pandar ka phun piah phun hu siam mekre salamat, atau kỹ thuật halei njauk ngak piah hu rilo baoh siam di abih ka bein phun./.