Bhum taneh lac “Labik gok agha di danak dak Đồng Khởi” – xa Định Thủy (huyen Mỏ cày Nam, tinh Ben Tre) meng kal hu gaok “mbom siu cuh patuh” urak ini dak harei dak hu salih bahrau. Jalan bhum palei hu ngak meng betong hacih sa-at, phun kayau pacang halui, dom jalan hu tuel bak hala dok, phun bingu hu pala rah tui dua tapen jalan gam haong rilo baoh sang khang kajap, praong laneing lanoi, hu padang tagok taphia danak gauk. Định Thủy hu salih ao cuk bahrau, jeng xa akaok meti di huyen Mỏ Cày Nam mek hu tanut chuan palei pala bahrau kieu mau, ngan haong jien mek tame kuhria tui yaok urang hu 79 trieu/urang/thun (thun 2024).

Maong mboh bruk salih bahrau di palei pala, amuk Trần Thị Xem (ndih tapui thun 1954) daok di puk Định Nghĩa, xa Định Thủy brei thau, hadei di harei gah Meraong peih paha, xa Định Thủy daok kan kandah, bruk ngak mbang drak damak, jalan mbak rilo meng lac nao meng gaiy, gilai, radaih patuh oh ka hu mai tal xa…Urak ini, jalan hu padang praong atah, meng xa tal ban Bến Tre jaik 25km hu radaih nduac tapak lagaih. Gom truac hadah, sang bac, jalan, balai hu ginup, raidiuk rahra hu paglaong tagok rilo mbang.

Hadah mbaok meta ka sajarah di bhum palei Đồng Khởi, ndang bo, rahra Ben Tre tuk halei jeng thau bruk di drei dalam bruk padang, patagok palei pala. Ngan haong asal kadha “Dua takai, klau idung” dalam danak dak pakacah “Đồng Khởi bahrau”, Ben Tre ngak tabiak rilo bruk jak jeng di rilo gah, rik tame ngak hu dom bruk di sarak ba tabiak yaok thun saong bruk ngak tui sarak raya Ndang bo tinh tapa rilo vaktu tapa.

Tui ong Nguyễn Trúc Sơn, Phaok Akaok Thuong truc uB Bhap bini tinh Ben Tre, bhum palei kham merat ngak salah blaoh glaong abih dom asal kadha di kinh te – xa hoi 5 thun 2021 - 2025; brei lagaih ka tukvak cakrok patagok kinh te saong paglaong raidiuk rahra, paccang khik alam moi truong…Piah ngak hu bruk ini, Ben Tre caik dahlau ka phun jien buh tame ka dom danak dak pasak; pataom tame patagok bruk buh jien tame piah dui ba bruk buh jien tame ta-eng urang menuac piah daong prein ka bruk patgaok kinh te – xa hoi. Gam haong nan, patui veik ngak dom bruk, dom jalan langyah lagaih, hadah krah, samu tukvak, siam lagaih piah jhul khang ngak dom danak dak jalan ngak pakat negar, jhul samar tukvak peih ngak dom danak dak pasak saong dom danak dak pandar phun jien meng negar langiu. Paglaong bruk srap gap buh jien tame dom danak dak ka tukvak 2026 - 2030, abih di nyu nan lac dom danak dak ha tang chien luoc, pambuak tinh, pambuak bhum. Pataom tame caik dahlak bruk buh jien tame saong ieu da-a buh jien tame dom danak dak hu bruk pambuak, pambak, daong prein ka gah patagok kinh te – xa hoi; pambuak dom jalan mbak di bhum palei tame dom jalan mbak pakat negar jeng yau bhum jaik taphia.

Harei 19/4/2025, tatua Rạch Miễu 2 pambuak tinh Tien Giang saong tinh Ben Tre hu ngak salah blaoh (dahlau tukvak ba tabiak 4 bilan). Tui kuhria mboh dahlau, bilan 9/2025, tatua Rạch Miễu 2 hu brei peih radaih, tapa nan, daong pabak hatai caong pajeng ba dak harei dak tagok glaong di angaok jalan Quoc lo 60, “rabha apui” ka tatua Rạch Miễu daih; gam haong nan, jhul tagok bruk cakrok gah kinh te – xa hoi, khik kajap quoc phong an ninh di dom tinh ban dalam labik Bhum taneran kraong Cuu Long saong dalam taneh ia./.