CHAM VOV: Karei di dom sarak ngak iek katut panak harei, TP.HCM daok dang anak jalan ngak dak rai sajarah brei ka baoh hukum karja peih mbaok ba jalan dah krah. Hukum Cak rok patagok ban raya bahrau hu Quoc hoi Kapul nagar brei tapa daok caong khin meda peih talaih abih dom cuang kandah tavak tave di sarak, jao brei adat ta-eng drei peih ngak piah ka ban raya 15 trieu bhap bani cak rok patagok, mbeik drei yam tame dunya.

CHAM VOV: Langiu di phun pajaih, bangu ngak mekre, baoh kayau… xa Chợ Lách, tinh Vinh Long kuhria ba dom voucher rivang iek po bein, ba drei tame bilan baoh kayau tagok darak pasar online meng puac thun ini.

CHAM.VOV.VN - Di jaman maraik gauk pachreih buh jien tame ngak mbang dak harei dak khang, dom kein lagaih bhap bini yau yaom lap atau urang ngak bruk rilo oh daok prein dui pachreih. Ban raya Dong Nai daok salih jalan patagok labik ngak kong tui bruk hijao, hadah krah, piah raok phun jien FDI siam glaong saong brei kein lagaih karo kajap dalam tukvak bahrau

CHAM.VOV.VN: Hadei di dak dom jabat karja, phuong Khánh Hòa, ban Can Tho brei ngak dahlau bruk dak dom dam dara hu ilamu ngak bruk dang di dom bruk ngak di pakat palei dalam bhum. Yaom lac hu ilamu jamraik ngak Kong bahrau, ralo urang jakar dam dara ba ilamu ngak kong gah lek taka sok tal tangin bhap bini piah daong brei ka bruk iek glang bruk ngak di bhap bini siam karo jang.

CHAM.VOV.VN - Daok di bhum taneh tapen nagar di dom xa Tuy Đức, Đắk Wil di tinh Lam Dong (dahlau angan dom huyen Tuy Đức saong Cư Jút, tinh Đắk Nông klak), ndien majam nagar hu mai tal labik daok di palei pala atah bayah, daong tame bruk patagok kinh te brei ka bruk caga khik angan po nagar. Ndien ba prein khang barau mai tal taneh tapen nagar. Dalam Kadha “Pasalih pahadah bahrau dam saong salih taka so di jaman uak drei tagok” harei ini lakau daa mikwa saong abih gauk tui pang kadha di urang ngak bruk di rayo Sap ndom Viet Nam.

CHAM.VOV.VN: Rilo urang taduan harak SMS pathau khan taong bhat hadei pagam tui jalan link pasang duah. Kuk canh sat jalan bak kakei caga lac bruk chot pagat piah klaik mek tai khoan gilang pariak saong blah mek jien padai.

CHAM.VOV.VN: Dalam negar daok peih ngak rilo bruk hu makna brei mboh hatai thau dhar phol biak praong ngan haong dom AHLS, thuong binh, benh binh, urang ngak bruk cach mang.

CHAM.VOV.VN: Nao tame labik danaok daok rahra pataom, dom mbon palei di bangsa takik daok di dom xa Quảng Trực, Tuy Đức, Cư Jút di tinh Lam Dong (tinh Dak Nong klak) oh kan piah si mboh dom urang ngak kong gam nao pasang iek jalan talei ndien ka dom baoh sang gam tacei ba mikva tui iek dom khau tin pambuak tal ndien di smart phone.

CHAM.VOV.VN: Tinh Ca Mau barau ba banah phan mem tame taong yaom njauk ha oh bruk ngak tui (KPI) ba tame bruk ngak ieik di dom jabat karja, jabat ngak bruk di dalam bhum palei. Majam ngak kong ini caong brei pasalih bruk taong yaom urang jakar, urang pan bruk, ngak bruk njauk tui bruk ngak bruk hu jao pagam tui ngak cambac lac bruk tanggung jawab grauk urang tui bruk ngak njauk ngak jeng di nyu.

CHAM.VOV.VN - Meng dom mbang livestream pablei kaya ngak nong yaok harei tal bruk pandar ilamo dah krah di glao akaok urang dalam bruk khik ramik di urang ngak mbang blei salih, bruk salih laik daok pambak biak khang dalam tỉnh Đồng Tháp. Pandar jamariak ngak kong, salih laik taka so oh lac sa janih daong ka urang ngak mbang blei salih peih praong darak pasa, blaoh daok hu maong tal prein khang biak hu yaom glaong piah ka tinh ngak jeng jalan ba tabiak bruk patagok dalam tukvak masa bahrau. Kadha vak di urang vak Phan Ánh hu ndom mayai tal bruk ini, daa mikva saong taong abih gauk tui pang.