Sang sa-ai Điểu Đên ieu lac di dalam 60 baoh sang urang bangsa takik daok di bon Bu Lum, xa Quảng Trực, tinh Lam Dong (dahlau hu angan huyen Tuy Đức, tinh Đăk Nông klak) barau pandon mai ini daok di dalam sang danaok barau gheih ghang kayua karja ngak alin brei. Bui sambai di saai gam saong mikwa yau ye manek praong jeng dua kayua gom điện jalan, sang bac, balai hu sampurna ganap.

Sa-ai Điểu Đên khan, điện gom di sang barau biak khang karo, tukik padam kayua yau nan ye saai mek 2 trieu jien dong karja daong nao blei gaok taneh nasei điện, kadi ia meng ndien. Urak ini dua adiuk pasang di sa-ai daok rik pataom jien piah blei garaong tủ laan, jamariak ragam âm thanh piah adaoh taka ma-in.

"Akau mboh Ndang, Kajar caik hatai daong mikva urang daok di tapen nagar biak ralo. Dalam bon ini mikva biak bui sambai, mikva klak abih sang danaok di atah bayah piah daok di ini mboh gheih ghang biak ralo, hu gom ndien biak lagaih laguo jang. Dahlak caong khin karja nagar iek glang caik hatai taong bon karei, dom baoh sang oh ka gom ndien piah daong urang jeng hu điện pandar yau di ini.", sa-ai Điểu Đên ndom mayai lac yau nan".

Di tapen bon Bu Lum hu bon Bu Dắr. Meng di tuk hu majam gom ndien pakat nagar, ralo sang dak gom ndien eng dan saong caik camera ba tabiak jalan, gam truac hadah ka urang nao mai jalan tuk malam gram guh hajan hangin, daong urang nao jalan tuk mada hu brei caga co klaik. Bruk khik caga ieik glang bon di akaok bon Bu Dắr- ong Vũ Minh Tiến hu yau nan blaoh mboh lagaih laguo, siam makre ralo jang. Ong Tiến ndom mayai lac:

"Ndien gom majam mai palei daong salih bahrau brei ka ralo baoh sang ngak ka hadah hadai mbaok mata xa tapen negar, mikva mboh biak chreih hatai. Di dalam bon ini yaok 2-3 baoh sang pandar saong gauk sa baoh kong-te piah tuh pruh ia ka phun pala anek raong kayua tame bilan pandar ndien 3 pha lagaih jang dut tui pandar jamariak pandar manyek. Ndien gom pasang hadah jeng daong pakurang bala brei ka jalan mbak nao mai, ralo baoh sang daok dak camera piah caga co klaik."

Gam saong bruk brei Pakaro raidiuk, ha tang ndien jeng hu brei buh prein jien tame siam piah daong ka bhap bini peih praong bruk ngak mbang blei salih. Baoh sang sa-ai Đặng Vũ Văn dalau diah daok dalam puh kophi, meng tuk hu gom ndien pandon mai tabiak jalan, peih kadai tuan pablei ndap nda laan brei ka mikva dalam xa. Sa-ai Văn brei thau:

"Hu majam gom ndien mboh lagaih biak ralo, ndien ha the jaik taphia jeng mboh ralo sahnang, oh hadah padam chập chờn, khik siam karo brei ka ndap nda jam mariak. Sang akau blei tủ kem, tủ la-an ka kuan kadai jeng ye ganap ndap nda kaya thiết bị điện bhian pandar ka ura baoh sang."

Balai Cagar Nagar di pabah tapen nagar Bu P'Răng (Bol lin Bien phong tinh Lam Dong padang bol lin di xa Quảng Trực, tinh Lam Dong, brei jao ieik glang, caga labaih 16km jalan nagar pambuak talei saong nagar Campuchia dan saong khik karo an ninh, caga kon bleih salih di bhum taneh tapen nagar ini.

Daok majam gom điện pakat nagar hu brei ieik ngak ba mai tal bhum taneh tapen nagar daong ka jabat bhap bini ngak siam bruk khik ramik, cagar siam bruk khik angan po nagar, an ninh karo di bhum taneh ia tapen nagar.

Tui Thuong ta Phan Văn Khá, Urang ngak Chinh tri Balai Bien phong Pabah mbang nagar Bu P'Răng, majam gom ndien hu padang, khik siam karo brei ka bruk pan akaok ieik glang khik karo khik kajap khao tin pambuak bruk dalam bruk ngak./.