Di tỉnh Đồng Tháp, rilo urang ngak mbang blei salih mbaih saong ngak mbang sit, hợp tác xã (HTX) hu caga dahlau mbang livestream yaok harei piah pablei tabiak ndap nda kaya ngui. Ini lac jalan hu peih ngak rilo, daong ka urang ngak mbang blei salih pambuak hu jaik, pambuak hu tapak saong tuai damuai di grauk labik. Mintapi, hu rilo urang ngak mbang blei salih sit jeng daok gaok cuang kandah dalam bruk pandar dom mblang kali lektaka số. Bruk gah urang ngak mbang blei salih caong khin lac dom panuac pato tacei jalan dalam, ba tangin pato bruk.

Amuk Nguyễn Thúy Kiều, Yam ndok Kong ty TNHH MTV Ba Tre, tỉnh Đồng Tháp khan brei thau lac: meng nan dahlak hu mbaok tame sa tal pato pasram ka bruk salih laik taka số kayua tinh peih tabiak; mintapi, tal pato tacei nan ndom mayai ka oh cambaih ka bruk pablei salih kaya pandap di mangaok online, ka oh tak pato halei pato hu cambaih laih piah ba pandar shop yau habar; langyah dom cuang kandah tuk pablei salih online.

“Drei ka oh thau dom baoh panuac halei piah ndom mayai dalam klip, dom baoh panuac halei njauk ndom mayai atau plaih nyaih caga; piah ka hu sa klip siam makre jang piah ka Tiktok oh mek hu dom bruk suan. Kayua hu kanja bhum palei daong ba ka dom doanh nghiep, yau ye peih dom tal pato par tangin pato bruk, pato tacei cambaih laih piah ba pandar sa shop pabeli salih di mangaok facebook atau Tiktok”.

Daok di Kong ty Cổ phần pandap mbang Bích Chi, urang ngak mbang blei salih ngak tabiak halak meng tapung brah praong abih dalam tinh Đồng Tháp, salih laik so daok jeng lac prein khang hu yaom glaong piah patagok kein lagaih dalam bruk ngak, pablei salih. Langiu di bruk buh jien tame di gah kong nghe bahrau saong caga hu dahlau pandap panda pak di labik, gah doanh nghiep daok jhul khang bruk mayaih khan pandap panda kaya di mangaok dom papan mblang kali lektaka số, cak rok patagok jalan pablei salih online piah peih praong darak pasa saong patagok dom yaom glaong ka pandap kaya nong di dalam bhum. Khan ka dom jak jeng meng bruk salih, ong Phạm Thanh Bình, Taong Yam ndok Kong ty Cổ phần Thực phẩm Bích Chi ndom mayai  mayai lac:

“Khol akau dahlak hu pasalih lektaka số biak aval. Kayua yau nan meng daong ka khol dahlak hulin khik ramik hu biak catang meng bruk blei pandap panda tal bruk duah jalan pablei tabiak, bruk pablei salih saong bruk tah tatih di kong ty. Urak ini, khol akau dahlak hulin daok mbaoh tangin tame ngak harak pablei salih gam saong rilo taneh ia di dunya. Mboh njauk ndom mayai di nyu nan lac, khol akau dahlak hu jalan pablei salih online; hu dom urang ngak yaok harei mayaih khan di mangaok online …Kayua yau nan ye pandap panda di khol dahlak urak ini hu pablei tabiak ka labaih 40 nagar di dunya.

Urak ini, bruk salih lek taka angka số oh daok lac bruk njauk pilih ruah, blaoh nyu jeng lac bruk pandar ngak. Meng tuk khan cambaih laih jien je online, khik ramik urang ngak, pandar jamraik, tal bruk duah jalan ngak bahrau saong pandar ilamo trí tuệ nhân tạo (AI)… Abih tih jeng peih tabiak dom dư địa bahrau piah ka urang ngak mbang blei salih patagok prein ngak, patagok prein maraik gauk urang ngak mbang blei salih.

Meda ndom mayai lac, bruk pasalih laik taka so daok ieik yau ye hu maong lac sa di dalam dom prein khang hu angan makna piah patagok prein maraik gauk saong ngak tabiak bhum bhaok-dư địa patagok bahrau ka urang ngak mbang blei salih. Mintapi, langiu di bruk daong ka jalan ngak, sarak, rilo urang ngak mbang blei salih jeng daok oh takik dom kan kandah, njauk ndom mayai lac di nyu nan lac daok takik manuac ngak saong prein hu pambuak saong ngak kong laik taka số. Tuk urang ngak mbang blei salih caga hu dahlau di ngak kong, jalan ba tabiak lac cak rok patagok samar saong khang kajap meda oh daok lac dom laik taka so di mangaok bi-ar, bo jeng lac jak jeng hu ngak tabiak meng dom prein maraik gauk di gah kinh te bhum palei, rik tame ngak jeng biak jalan ba tabiak lac cak rok patagok samar saong khang karo kajap jang dalam tukvak masa bahrau./.